მეტროსადგურ „მარჯანიშვილზე“ მოქალაქე ლიანდაგებში ჩავარდა. შემთხვევის გამო, მეტროს პირველ ხაზზე მოძრაობა შეფერხებულია.
ამ დროისთვის, მოქალაქე ლიანდაგებიდან ამოყვანილია და დაშავებული სასწრაფო სამედიცინო დახმარების ჯგუფმა კლინიკაში გადაიყვანა.
როგორც საქართველოს პირველ არხს თბილისის სატრანსპორტო კომპანიაში განუცხადეს, შეფერხების მიზეზი მეტროსადგურ მარჯანიშვილზე მომხდარი შემთხვევა გახდა, სადაც მგზავრი ლიანდაგებში ჩავარდა.
ადგილზე მობილიზებული იყო სამაშველო სამსახური. სხვა დეტალები ჯერ უცნობია.