“მოვუწოდებთ ექიმებს, აფთიაქებს, ფსიქოტროპულ საშუალებებთან დაკავშირებით ფრთხილად იყვნენ ბოროტმოქმედებისგან – ეს შეიძლება იყოს ადმინისტრაციული, მაგრამ ვერ გამოვრიცხავ სისხლის სამართლებრივ დევნას” – აღნიშნა მიხეილ სარჯველაძემ.
მიხეილ სარჯველაძემ რეფორმის განხორციელების პროცესში გამოვლენილ მანკიერებებზე კიდევ ერთხელ ისაუბრა და თქვა, რომ ფიქსირდებოდა ერთი და იგივე მომხმარებლის სხვადასხვა მიმწოდებელთან რეგისტრაცია, ასევე ნარკოტიკული საშუალებების გატანის მცდელობები.
„საკითხი ეხება ფსიქოტროპულ ნივთიერებას და ნარკოტიკული საშუალებების იმპორტის სფეროში კომერციული ინტერესის მაქსიმალურად შეზღუდვას. არ შეიძლება სისტემა იმგვარად იყოს ჩამოყალიბებული, სადაც კომერციული ინტერესი შესაძლოა წინააღმდეგობაში იქცეოდეს პაციენტის ინტერესთან, ჯანდაცვის ინტერესთან. ცალკეულ იმპორტიორებს ჰქონდათ დიდი კომერციული ინტერესი, რაც შეიძლება მეტი ყოფილიყო იმ მედიკამენტების მოხმარება, რომლის მეტი რეალიზაციის შემთხვევაში, მათი კომერციული ინტერესი მზარდი იქნებოდა. ვფიქრობ, მართებულია გადაწყვეტილება, სახელმწიფომ ჩაანაცვლოს ამ კატეგორიის მედიკამენტების იმპორტში კერძო კომპანიები. არავინ უნდა იყოს დაინტერესებული, რაც შეიძლება მაღალი იყოს იმ მედიკამენტების მოხმარება, რომელიც სინამდვილეში გამოიყენება არა სამკურნალო მიზნებით, არამედ ბოროტად.
ფსიქოტროპული ნივთიერებების ბრუნვის მიმართულებით, მხოლოდ იმპორტიორები არ არიან საკითხთან დაკავშირებულ პირთა წრეში. აქ არიან ექიმები, აფთიაქები. ამ კუთხით სერიოზული ნაკლოვანებებია. მივაწვდით საზოგადოებას ინფორმაციას, თუ როგორია პრაქტიკა, რა მნიშვნელოვანი ნაკლოვანებებია. მოწოდება გვექნება ექიმების, აფთიაქების, ადამიანების მიმართ, რომლებიც შესაძლოა გარკვეულ შემხებლობაში იმყოფებოდნენ ამ სამკურნალო საშუალებებთან, რომ თავი შეიკავონ, ფრთხილად იყვნენ ბოროტმოქმედებისგან, თავი შეიკავონ. შევეცდებით, მაქსიმალური იყოს გამოვლენა. ამას მოჰყვება რელევანტური სამართლებრივი პასუხისმგებლობები. უმრავლეს შემთხვევაში ეს შეიძლება იყოს ადმინისტრაციული პასუხისმგებლობა, ცალკეულში ვერ გამოვრიცხავ ადგილი ჰქონდეს სისხლის სამართლებრივ დევნას ცალკეულ სამართალდარღვევებზე“, – განაცხადა სარჯველაძემ.