გუშინ, გვიან ღამით, რიკოთზე ავარია მოხდა – მსუბუქ ავტომობილს სატვირთო დაეჯახა.
შედეგად, მანქანაში მყოფი ოჯახის წევრები – მამა, დედა და 2 ბავშვი – სასწრაფო სამედიცინო სამსახურის ავტომანქანით ხაშურის სხვადასხვა კლინიკაში გადაიყვანეს.
მოგვიანებით, მამა და შვილები თბილისში გადაიყვანეს.
რაც შეეხება დედას, მისი მდგომარეობა მძიმეა. ქალბატონს შესაბამისი სამედიცინო პროცედურები ხაშურის „გორმედის“ საავადმყოფოში უტარდება.
შსს-მ გამოძიება სსკ-ს 276 მუხლით დაიწყო, რაც ტრანსპორტის მოძრაობის უსაფრთხოების დარღვევას გულისხმობს.