“ესაა ის რაზედაც დღე და ღამ ოცნებობს ივანიშვილი “- რაზე წერს შალვა ნათელაშვილი

ესაა ის რაზედაც დღე და ღამ ოცნებობს ივანიშვილი და მისი ხროვა – “ლეიბორისტული პარტიის” ლიდერი, შალვა ნათელაშვილი “Tbilisi Open Air”-ზე ქართველი მუსიკოსის, ერეკლე გეწაძის მიერ მოწყობილი პერფორმანსის წინააღმდეგ, რუსეთის მიერ სისხლის სამართლის საქმის აღძვრას ეხმაურება:

“რუსეთის საგამოძიებო უწყების ხელმძღვანელმა ბასტრიკინმა გამოაცხადა, რომ აღიძრა სისხლის სამართლის საქმე გუშინ, თბილისში გამართულ ცნობილ კონცერტზე, რუსეთის სახელმწიფო დროშის შეურაცხოფასთან დაკავშირებით. ამასთან დაკავშირებით უნდა გავაცნობიეროთ, რომ დღეს, როდესაც საქართველო ეყრება პრო–მოსკოვურ რეჟიმს, არ უნდა მივცეთ საფუძველი კრემლს, რათა მან დააგროვოს მეტი არგუმენტები ოლიგარქის მხარდასაჭერად, შიგა პროცესებზე ზეწოლის გასაძლიერებლად და ამ დიდი განმათავისუფლებელი ტალღის რუსოფობიურ მოვლენად წარმოსაჩენად. ესაა ის რაზედაც დღე და ღამ ოცნებობს ივანიშვილი და მისი ხროვა. ისე ამგვარად ოპერატიულად რომ ემოქმედა რუსეთის საგამოძიებო უწყებას, მაშინ როდესაც მოგვიკლეს მათმა სამხედროებმა თუ სატელიტებმა ტატუნაშვილი, ოთხოზორია, ღინტური ბევრად უკეთესი იქნებოდა იმ განწყობის გასანეიტრალებლად, რასაც ასე ფაქიზად განიცდიან მოსკოვში”- წერს შალვა ნათელაშვილი სოციალურ ქსელში.