აშშ-ის პრეზიდენტმა, დონალდ ტრამპი რუსეთის მიერ უკრაინაზე მასშტაბურ თავდასხმას სოციალური ქსელით გამოეხმაურა, სადაც ამბობს, რომ პუტინი უმიზეზოდ კლავს უამრავ ადამიანს და რომ ის აბსოლუტურად გაგიჟდა.
“მე ყოველთვის ძალიან კარგი ურთიერთობა მქონდა რუსეთის პრეზიდენტ ვლადიმერ პუტინთან, მაგრამ მას რაღაც დაემართა. ის აბსოლუტურად გაგიჟდა! ის უმიზეზოდ კლავს უამრავ ადამიანს და მე მხოლოდ ჯარისკაცებზე არ ვსაუბრობ. რაკეტებს და დრონებს ესვრის უკრაინის ქალაქებს, ყოველგვარი მიზეზის გარეშე. მე ყოველთვის ვამბობდი, რომ მას მთელი უკრაინა სურს და არა მხოლოდ მისი ნაწილი და შესაძლოა ეს სწორი აღმოჩნდეს, მაგრამ თუ ასე მოხდა, ეს რუსეთის დაცემამდე მიგვიყვანს!” -დაწერა ტრამპმა Truth Social-ზე.
შეგახსენებთ, რომ 25 მაისის ღამეს, რუსეთის თავდასხმას უკრაინაში სულ მცირე 12 ადამიანი ემსხვერპლა, მათ შორის, ბავშვები. დაშავდა 60-ზე მეტი პირი.