“პრეზიდენტ ტრამპისთვის მოთხოვნების წაყენების გაბედვა უხამსობაა”- ჯო უილსონი “ოცნებას” პასუხობს

ამერიკელი კონგრესმენი ჯო უილსონი „MEGOBARI აქტის“ საპასუხოდ მომზადებული სპეციალურ განცხადებას X-ზე ეხმაურება.

“ოქტომბერში, თავისუფლებისმოყვარე ქართველი ხალხის ნების საწინააღმდეგოდ, საქართველოს სახელმწიფოს უკანონოდ ჩამორთმევის შემდეგ, ივანიშვილის კრიმინალური კაბალი:

– ყოველდღიურად ავრცელებდა ანტიამერიკულ პროპაგანდას

– ადანაშაულებდა პრეზიდენტ ტრამპს კორუფციაში

– აძევებდა აშშ-ს კომპანიებს ჩინეთის კომუნისტური პარტიის სასარგებლოდ

– ამყარებდა კავშირებს ირანის ტერორისტულ რეჟიმთან

– კრძალავდა ოპოზიციას

– სცემდა და აპატიმრებდა უდანაშაულო ადამიანებს

პრეზიდენტ ტრამპისთვის მოთხოვნების წაყენების გაბედვა უხამსობაა”- წერს კონგრესმენი.

ცნობისთვის, დღეს პარლამენტმა „MEGOBARI აქტის“ საპასუხოდ მომზადებული სპეციალური განცხადების შინაარსი გაასაჯაროვა, რომლის მიხედვითაც, „საქართველოს პარლამენტი აშშ-ს წარმომადგენელთა პალატის მიერ მიღებულ „MEGOBAR აქტს“ საქართველოს სახელმწიფოს, ქართველი ხალხისა და მის მიერ არჩეული ხელისუფლების, მათ შორის საქართველოს პარლამენტის მიმართ უაღრესად მტრული აქტად აფასებს.“