„ვაგზლის ბაზრობაზე“ გაჩენილი ხანძრის შედეგად დაზარალებულების დახმარების საკითხზე თბილისის მერია განცხადებას ავრცელებს.
ადგილზე ვიცე-მერი, ირაკლი ხმალაძე იყო მისული.
„შეხვედრაზე გადაწყდა, რომ ამ ეტაპზე პირველი რიგის ამოცანა განადგურებული კონსტრუქციების დემონტაჟი და ტერიტორიის მოწესრიგებაა, რასაც მერია უზრუნველყოფს.
დღესვე დაიგეგმა შეხვედრა თბილისის მერიაში, სადაც მოვაჭრეები ვიცე-მერს წარუდგენენ ინფორმაციას დაზარალებულების რაოდენობაზე, ზარალის სავარაუდო ოდენობასა და სხვა დეტალებზე.
ორი დღის წინ სადგურის მოედანთან მდებარე ბაზრობაზე გაჩენილი ხანძრის შედეგად დაზარალებულებს ირაკლი ხმალაძე გუშინაც შეხვდა“ – წერია მერიის გავრცელებულ ინფორმაციაში.
შეგახსენებთ,„ვაგზლის ბაზრობაზე“ ცეცხლი 30 აპრილს გაჩნდა.