ნინო ჯანგირაშვილი სოციალურ ქსელში ეხმიანება დღეს გავრცელებულ ინფორმაციას, რომლის თანახმადაც რძის მწარმოებელი ფერმა “ყვარლის ბაგა”, რომლისგანა “სანტე”, “სოფლის ნობათი”, “აგროჰაბი” და “ყვარლის ბაგის” შვილობილი “რძის ლაბორატორია”, ძროხებს ქათმის ნაკელით კვებავდა.
“ახლა ვინც დგახართ დასხედით, ვინც სხედხართ დაწექით და რა ვიცი, რამე ქენით, “კანტროლკა“ უნდა დაგახალოთ:
ქათმის სკინტლით გაკეთებული რძე და ყველით რომ გვკვება პაპაშვილმა, ეგ ძირითადად ჩვენივე ჯიბიდან დაგვიფინანსებია. საიდან ვიცი? ქოცის ზნეს კარგად ვიცნობ, ლოგიკურად მივხვდი და მერე რაღა პრობლემაა, მარტივი დაგუგვლით იძებნება ინფორმაცია. პლიუს შეღავათიანი აგროკრედიტიც მიუღია და თან ევროპებიც დაუხმარებია იმაში, რომ ფეკალიებით გამოვეკვებეთ.
30.11.2014
ვითიბი ბანკმა, სახელმწიფო პროგრამის – „აწარმოე საქართველოში“ ფარგლებში, კომპანია „ყვარლის ბაგა“ დააფინანსა. გაცემული სესხის მოცულობა 1.9 მილიონ დოლარს და 100 000 ლარს შეადგენს.
კომპანია „ყვარლის ბაგა“ დაკავებულია ფერმაში მსხვილფეხა პირუტყვის მოშენებით და საქართველოში ერთ-ერთი მსხვილი ნატურალური რძის მწარმოებელია.
01.10.2014
საერთაშორისო საფინანსო კორპორაციამ ( IFC) ბიზნესმენ ლაშა პაპაშვილის კუთვნილ რძის მწარმოებელ ფერმას – “ყვარლის ბაგას” 2 მილიონი აშშ დოლარის ოდენობის კრედიტი გამოუყო. კორპორაციაში აცხადებენ, რომ კრედიტი ხელს შეუწყობს კომპანიის ზრდას, აგრობიზნესის განვითარებას და სოფლად ახალი სამუშაო ადგილების შექმნას.
„ყვარლის ბაგა“ 2013 წლის ოქტომბერში გაიხსნა. ევროპის რეკონსტრუქციისა და განვითარების ბანკმა ბიზნესმენ ლაშა პაპაშვილს მის ასაშენებლად 1.32 მილიონი დოლარის სესხი გამოყო. ფერმამ დაფინანსება მიიღო სოფლის მეურნეობის სამინისტროს ,,შეღავათიანი აგროკრედიტის პროექტის“ ფარგლებშიც. ამ პროექტის მეშვეობით „ყვარლის ბაგამ“ 600 ათასი დოლარის ოდენობის სესხი აიღო და 132 სული ჰოლშტეინის ჯიშის დეკეული შეიძინა. ფერმა საქონლის საკვებ ნედლეულს საკუთარ მიწის ნაკვეთზე აწარმოებს. ხარისხიანი მოსავლის მიღების მიზნით, კომპანიამ სასუქის შესაძენად “შეღავათიანი აგროკრედიტის პროექტის“ მე-2 ეტაპის ფარგლებში 100 ათასი ლარის ოდენეობის სესხიც აიღო”- წერს ნინო ჯანგირაშვილი.