იმერეთის რწმუნებულმა, ლევან ზალკალიანმა „რუსთავი 2“-თან ინტერვიუში დიდთოვლობის შედეგად, რეგიონში შექმნილ მძიმე მდგობარეობის შესახებ ისაუბრა.
„დილიდან მუშაობს 148 ერთეული ტექნიკა, რომლებიც წმენდდნენ ქალაქის, ასევე, სოფლამდე მისასვლელ გზებს. ამ წუთის მდგომარეობით, ჩაკეტილია 149 სოფელი, ელექტროენერგია არ მიეწოდება 30 000-მდე აბონენტს, ასევე, შეწყვეტილია ბუნებრივი გაზის მიწოდება 237 აბონენტისთვის.
არის გარკვეული მუნიციპალიტეტები, სადაც დროებით შეჩერებულია სასწავლო პროცესი სკოლებსა და ბაღებში“, – აღნიშნა მან.