კოალიცია ცვლილებისთვის ლიდერი ნიკა გვარამია სოციალურ ქსელში განცხადებას ავრცელებს:
“ეკონომიკის მინისტრმა ქვრივიშვილმა ბრიფინგზე განაცხადა, რომ ანაკლიის პორტზე ჩინელებთან მოლაპარაკება შეწყდა და სახელმწიფო თავად ააშენებს პორტს და შემდეგ გადაწყვეტს, ვის მიაქირაოს (სხვადასხვა ოპერატორებს). რა გავიგეთ აქედან:
ქოცები მიხვდნენ, რომ პუტინი მარცხდება
ქოცებს შეეშინდათ იზოლაციის და დასავლური ზეწოლის (ამიტომაც იდგნენ დამწკრივებულები ამერიკის საელჩოში)
ქოცები გადადიან დასავლეთთან პოლიტიკური ვაჭრობის ინტენსიურ ფაზაზე, რომ ამერიკამ და ევროპამ მიიღონ მათი პირობები: თქვენ პორტში შესაძლებლობები, ამის სანაცვლოდ ჩვენ სამუდამოდ ხელისუფლება
ახალი პოლიტპატიმრები ჰაერივით სჭირდებათ სავაჭრო ძალაუფლება რომ განიმტკიცონ (ამიტომაც დაჩქარდა საბოტაჟის პროცესი სასამართლოში და ამიტომაცაა იმ საქმეში სრულიად არაბუნებრივად გაერთიანებული პრაქტიკულად ყველა პოლიტიკური ლიდერი)
გათვლა ასეთია: თუ თანახმა არ იქნებით გარეთ თქვენ და არ შეწყვეტთ ჩვენს შევიწროებას და შიგნით ოპოზიცია და მეპროტესტეები უარს იტყვიან ნორმალიზაციაზე, პორტი საერთოდ არ აშენდება
ამ განცხადებაში საქართველოს ინტერესი ნულოვანია. მთლიანად ეხება ბიძინას უზურპატორულ ინტერესს და რეალურად არის პოლიტიკური ვაჭრობის ინტენსიური ფაზის დასაწყისი და პორტზე საბოლოო გადაწყვეტილების უსასრულოდ გადავადება. ბიძინას საყვარელი სტრატეგიული ბუნდოვანების ტაქტიკის კლასიკური შემთხვევაა” – წერს ნიკა გვარამია.
ცოტა ხნის წინ ეკონომიკის მინისტრმა მარიამ ქვრივიშვილმა თქვა, რომ ანაკლიის პორტს სახელმწიფო ააშენებს.