გორში, წმინდაწყალზე ავტოსაგზაო შემთხვევას ქვეითი ემსხვერპლა.
“ინფო რუსთავის” ინფორმაციით, კაცი სუპერმარკეტიდან სახლში ბრუნდებოდა, რა დროსაც ავტომობილი დაეჯახა.
კაცი სასწრაფო დახმარების ეკიპაჟმა კლინიკაში გადაიყვანა. მედიკოსებმა მისი გადარჩენა ვეღარ შეძლეს.
როგორც “ინფო რუსთავს” შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მეორე ნაწილით მიმდინარეობს, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს.