პირველი ინტერვიუ გათავისუფლებულ გიგი უგულავასთან – პოლიტიკოსი ამბობს, რომ სახელმწიფო სამართლებრივი სივრციდანაა გასული და ეს კარგად დაგვანახა თბილისი მოლთან მიმიდნარე პროცესებმა, როდესაც ადმინისტრაციულით დაკავებულებს ბრალი ჯერ სისხლით სამართლით გადაუკვალიფიცირეს, შემდეგ კი მოსამართლე კურტანიძემ პროცესზე პროკურატურის შუამდგომლობით იხელმძღვანელა.
“ვინც ძალადობს, ბოლოს ძალისგან ის იცლება” – ამბობს უგულავა და ხაზგასმით აცხადებს, რომ ეს ბძღ~ოლა მომავალი თაობის ბრძოლაა, რომელსაც რეჟიმი ვერანაირი დაშინებით ვერ გატეხს.
პოლიტიკოსის თქმით, “რეჟიმი ყანყალებს”, რადგან სისტემის შიგნით ბევრია ისეთი ადამიანი, ვისაც არ მოსწონს ის,რ აც ბოლო თვეებია საქართველოში მიმდინარეობს.
“სამართლებრივი სივრციდან გასულია ჩვენი სახელმწიფო, ის არის ჩვეულებრივი ხუნტა, რომელიც კანონებით აღარ მოქმედებს. სასამართლო, 8 პირის მათ შორის ჩემი, კანონსაც არ ეფუძნებოდა. არ არსებობს კანონი, რომლითაც ჩვენ სისხლის სამართლის წესით დაგვიჭირეს. კაპეზედან რომ გამოვედი ადმინისტრაციულ სასამართლოში მივდიოდი, დამხვდნენ იქ პოლიციელები, რომლებმაც მითხრეს, ბრალი უნდა წაგიოყენოთო, თან ხმა უკანკალებდათ. ეს არის რეჟიმის ყანყალი. ფატია, რომ ეს ყველაფერი ადამიანების დაშინებისთის კეთდება. თბილისი მოლი მისასვლელად მართლა რთული ადგილია და არც მე მეგონა ამდენი ხალხი თუ მოვიდოდა, ალბათ თვითონაც დაბნეულებრი იყვენენ. რომ დამიჭირეს მთელი ღამე კაპეზე-კაპეზე მატარეს.
არ მინდა ჩემს თავზე საუბარი, როცა მზია ამაღლობელი ამდეი დღეა შიმშილობს. ყველაზე სევდიანი ვიყავი პროცესზე, რადგან აღმოვაჩინე, რომ ყველაზე ასაკოვანი ვიყავი პროცესზე. ყველაზე პატარა 20 წლის იყო და ყევლაზე დიდი მე 50-ის. ასაკს იმიტომ ვუსვამ ხაზს, რომ ეს არის ამ ასაკის პორცესი. დაკავებები შეიძლება გაგრძელდეს, მაგრამ ამით ვერ შეაშინებენ. შიგნითაც არ მოსწონს რეჟიმი ბევრს. სამი საათი ვიდექი იქ და ხომ უნდა გველაპარაკა რამეზე და მათ ეს აწუხებთ.
ვინც ძალადობს, ბოლობოლო ძალისგან ის იცლება”, – ამბობს გიგი უგულავა.
გიგი უგულავამ და დიმიტრი ბიძინაშვილმა რუსთავის საპატიმრო გუშინ გვაინ ღამით დატოვეს. სასამართლომ Tbilisi Mall-თან სისხლის სამართლის ბრალდებით დაკავებულ რვავე პირს აღკვეთის ღონისძიების სახით გირაო შეუფარდა.
უფრო კონკრეტულად, გიგი უგულავას, დიმიტრი ბიძინაშვილს, ირაკლი ტაბატაძეს, ირაკლი წიგნაძეს, ალექსანდრე გოგოლაძეს 5000 ლარიანი გირაო, ნიკოლოზ ქუმსიშვილს 4000-ლარიანი, ვასილ ელიავას, ნიკოლოზ კუტუბიძეს 3500-ლარიანი გირაო შეეფარდათ.
საპატიმრო გირაო პროცესზე პროკურატურამ მოითხოვა.
წყარო: ტვ პირველი