ტელეწამყვანი ზურა ბალანჩივაძე “ფეისბუქის” პირად გვერდზე წერს:
“მახსოვს, საავადმყოფოში ყოფნის ბოლო, მე-19 დღეს, ანალიზებზე მოსვლა ექთნებმა 2 საათით დააგვიანეს და როცა ჩვენამდე მოაღწიეს, ხელები გასისხლიანებული და აკანკალებული ჰქონდათ. ის სართული უკვე გადაჭედილი იყო. მაშინ, ოქტომბერში, დღეში საშუალოდ 20 კაცი კვდებოდა, მხოლოდ 20.
დღემდე ვეღარ ვუსმენ იმ მუსიკაც, რაც იქაურობას მახსენებს.
წარმოდგენაც არ შემიძლია, რა ხდება ახლა,” – წერს ბალანჩივაძე სოცილურ ქსელში.
ცნობისთვის, საქართველოში კორონავირუსის 4 128 ახალი შემთხვევა გამოვლინდა. ამის შესახებ ინფორმაცია დაავადებათა კონტროლის ეროვნული ცენტრის გვერდზე განთავსდა.
ქვეყანაში ბოლო 24 საათში 5 611 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 79 პაციენტი.
ბოლო 24 საათში ქვეყანაში ჩატარდა 43 653 ტესტი.
ქვეყანაში კორონავირუსის გამოვლენის დადებითობის მაჩვენებლებია: ბოლო 14 დღის – 10.77%, ბოლო შვიდი დღის – 10.51%.
საქართველოში კორონავირუსით ინფიცირების სულ 532 171 შემთხვევაა გამოვლენილი, მათგან 468 917 გამოჯანმრთელდა, 7 028 კი გარდაიცვალა.
სულ აცრილია – 1 065 848 ადამიანი, დღიურად აცრილია 26 700. სრულად აცრილია 331 736, ხოლო ერთი დოზით აცრილია 734 112.
ამასთან, 25 აგვისტოს მონაცემებით, საქართველოში კორონავირუსის 5 021 ახალი შემთხვევა გამოვლინდა, გამოჯანმრთელდა 5 041 პაციენტი.