პროფესორი გიორგი ფხაკაძე სოციალურ ქსელში ვიდეომიმართვას ავრცელებს და აცხადებს, რომ იანვარში საქართველოს კორონავირუსის მეხუთე ტალღა ელოდება.
ფხაკაძის თქმით, მოსახლეობისა და ჯანდაცვის სისტემის ხელშია თუ როგორ შეხვდებიან მეხუთე ტალღას.
“იანვარში იქნება მეხუთე ტალღა და როგორი იქნება, ეს ჩვენზეა დამოკიდებული. თუ ჩვენ ახლა მოვემზადებით, იანვარში კი არა – ახლა, თუ ჩვენ ავიცრებით, თუ დისტანციას დავიცავთ, თუ პირბადეებს ეფექტურად გამოვიყენებთ, მეხუთე ტალღა იქნება დაბალი და იოლად გადავიტანთ, მაგრამ ჩვენ თუ ანტივაქსირების სისულელეს მოვუსმენთ… ეს ჩვენზეა დამოკიდებული როგორი ტალღა იქნება და ნურავის ნუ ვაბრალებთ, მასონებმა მოიგონეს გამოუშვეს ეს ვირუსი და… თქვენ თავად გამოუშვით რომ არ აიცერით და არ დაიცავით დისტანცია. ყველაფერია თქვენს ხალხში. ჟენევაში ვარ და მოსახლეობის 80% ფაიზერითაა აცრილი და ჩვეულებრივად ცხოვრება მიდის. პრობლემა მოგვარებულია და ჩვენ ვქმნით ამ პრობლემას. წამალი გვაქვს, აქ საუბარია მენეჯმენტზე. იმედია, საღი აზრი გაიმარჯვებს”, – აცხადებს ფხაკაძე.