ადამიანის უფლებათა ევროპულმა სასამართლომ საქმეში “ტაგანოვა და სხვები საქართველოსა და რუსეთის წინააღმდეგ” რუსეთი ოკუპირებულ აფხაზეთში საკუთრების უფლების დარღვევაზე პასუხისმგებლად ცნო.
სასამართლომ დაადგინა, რომ ექვსიდან ხუთი აპლიკანტის
შემთხვევაში დაირღვა ადამიანის უფლებათა და ძირითად თავისუფლებათა დაცვის კონვენციის დამატებითი ოქმის პირველი მუხლი, რომელიც საკუთრების დაცვას ეხება, და ადამიანის უფლებათა ევროპული კონვენციის მერვე მუხლი, რომელიც პირადი და საოჯახო ცხოვრების პატივისცემის უფლებას ეხებაა
საქმე ოკუპირებულ აფხაზეთში მდებარე საკუთრებას ეხებოდა – სარჩელის შემტანები იძულებულები გახდნენ, რომ თავიანთი საკუთრება მიეტოვებინათ, ან მისი გამოყენება არ შეეძლოთ, მას შემდეგ, რაც იქ ომი დაიწყო
სასამართლომ რუსეთს მოსარჩელეებისთვის, ქეთევან მეხუზლასთვის, ქსენია სანაიასთვის, სულიკო დვალისთვისა და მარინა გოგიასთვის 35 000 ევროს გადახდა, ერთ-ერთი მოსარჩელისთვის, ტარიელ ესართიასთვის, კი 25 000 ევროს გადახდა დაავალა
სასამართლომ გაიმეორა, რომ აფხაზეთი არის ტერიტორია, რომელზეც რუსეთი დე ფაქტო კონტროლს ახორციელებს. კერძოდ, დაადგინა, რომ აპლიკანტებს ბინები აფხაზეთში ჰქონდათ. თუმცა, მათ არ ჰქონდათ არც საქართველოში და არც რუსეთში სამართლებრივი დაცვის ეფექტიან საშუალებებზე წვდომა, რათა ამ საკუთრებებზე წვდომა უზრუნველყოთ. რუსეთის მიერ ტერიტორიის კონტროლისა და მისი მხრიდან საკუთრების უფლებების დაცვისთვის ძალისხმევის ნაკლებობის გათვალისწინებით, კერძოდ საქართველოს მოქალაქეების შემთხვევაში, სასამართლომ ამ საქმეში საკუთრებასთან დაკავშირებულ დარღვევებზე პასუხისმგებლად მხოლოდ რუსეთი ცნო” – წერია სასამართლოს პრესრელიზში