აბაშაში, ბანკის ქურდობის მცდელობის საქმეზე პოლიციამ ერთი პირი დააკავა – უწყებაში ამბობენ, რომ გამოძიება სისხლის სამართლის კოდექსის 19-177-ე მუხლით მიმდინარეობს, რაც ქურდობის მცდელობას გულისხმობს.
წუხელ გვიან ღამით აბაშის ცენტრში მდებარე “კრისტალ ბანკში” შეღწევა სცადეს. ადგილობრივები ამბობენ, რომ დააზიანებულია ბანკის ცენტრალური შესასვლელი კარი, თუმცა მალევე ჩაირთო განგაშის სიგნალი და ეჭვმიტანილი ადგილიდან მიიმალა.