ბათუმში, მოსწავლე-ახალგაზრდობის სახლის დირექტორის თამარ მესხიძის განცხადებით, ცეკვის მასწავლებელი, რომელმაც 12 წლის მოზარდს სცემა სამსახურიდან მაშინვე გაათავისუფლეს.
ძალადობაში მხილებული პედაგოგი დაკავებული არ არის, თუმცა მას ბათუმის საქალაქო სასამართლოს მოსამართლემ 2000-ლარიანი გირაო შეუფარდა. ამ ფაქტთან დაკავშირებით მასწავლებელი ამბობს, რომ დაზარალებულმა მოზარდმა სხვა ბავშვს სცემა.
“პედაგოგმა იძალადა მოსწავლეზე, ეს ფაქტი იმ დღეს არ გახმაურებულა, მეორე დღეს, როგორც მე გავიგე, სამსახურში ამ დროს არ ვიყავი, საღამო იყო, მოვიდნენ მშობლები, მოხდა ინციდენტი, მოხდა პოლიციის გამოძახება და სწორედ ამ დროს შევიტყვე ფაქტის შესახებ. ამოღებული იქნა მასალები, სადაც ვიხილეთ ის რაც გუშინ გამოქვეყნდა სოციალურ ქსელში. დავსაჯეო და დასჯის ფაქტი ვნახეთ. ეგრევე გაფორმდა ბრძანება მისი გათავისუფლების შესახებ,” – განაცხადა თამარ მესხიძემ.
ფოტო: “ბათუმელები”