UFC-ის ქართველი ჩემპიონი, მერაბ დვალიშვილი (18-4), საქართველოში 29 სექტემბერს ჩამოვა. ქართველი “მანქანა” ამის შესახებ, გაჩემპიონების დღიდან ჰპირდება გულშემატკივარს. 17:00 საათზე მერაბი უკვე საქართველოში იქნება და აეროპორტში დამხვედრ აუდიტორიას მასთან შეხვედრის საშუალება ექნება. აეროპორტიდან ჩემპიონი მსვლელობით ფილარმონიასთან გადაინაცვლებს და 18:00 საათიდან გულშემატკივართან შეხვედრას გააგრძელებს.
“29 სექტემბერს ჩამოვდივარ საქართველოში და შევხვდები ჩემს ქართველ გულშემატკივარს. თქვენთან ერთად მინდა აღვნიშნო UFC-ის ქამრის მოგება.
საღამოს 5 საათზე ჩამოვფრინდები თბილისის აეროპორტში, ხოლო საღამოს 6 საათზე ფილარმონიასთან შეგხვდებით ყველას. თქვენთან ერთად მინდა გავიზიარო ეს მომენტი. ხოლო მეორე დღეს, 30 სექტემბერს, მექნება პრესკონფერენცია. შევხვდები ჟურნალისტებს.
შემდეგ დღეს ვაპირებ აჭარაში, კერძოდ, ბათუმში ჩემს გულშემატკივრებთან შეხვედრას. ასევე იმერეთში და კიდევ ჩემს სოფელში ვაპირებ გულშემატკივრების ნახვას.
სულ 3-4 დღე ვიქნები საქართველოში, მაგრამ, ვეცდები ყველა გნახოთ და თქვენთან ერთად გავიზიარო ეს მომენტი. გენაცვალეთ და მადლობა ყველას!“ — ამბობს მერაბ დვალიშვილი ვიდეო მიმართვაში.