“მთავარი არხის” გენ.დირექტორი ნიკა გვარამია სოციალური ქსელის მეშვეობით ტელევიზიებს მიმართავს:
“მივმართავ ყველა ტელევიზიას: ერთად მოვიფიქროთ რაიმე ფორმა მედიის ძალადობრივი რეპრესიების გასაპროტესტებლად და საკუთარი უფლებების დასაცავად. დღეს შექმნილი ვითარება აღარ გვიტოვებს სხვა გზას და, არც ჩვენი კორპორატიული თუ პირადი დაპირისპირებების დრო არაა.
მთავარი არხი • Mtavari Arkhi
TV Pirveli • ტელეკომპანია პირველი
Formula • ფორმულა
Rustavi 2 • რუსთავი 2
TV Imedi
TV პალიტრანიუსი – TV PalitraNews
პირველი არხი
Kavkasia TV • ტელეკომპანია კავკასია”
ამასთან, ნიკა გვარამიას ინფორმაციით, ძალადობრივი ჯგუფების წარმომადგენლები ტელევიზიების ოფისების დარბევას აპირებენ.
“მივიღე გადაწყვეტილება, მიუხედავად უზარმაზარი საჯარო იტერესისა, “მთავარი არხის” ყველა გადამღები ჯგუფი გამოვიხმო და შევწყვიტო ამ სისაძაგლის გაშუქება, პირველ რიგში, ჩემი ჟურნალისტების ჯანმრთელობისა და სიცოცხლისთვის შექმნილი საფრთხის გამო. ჩემს ყველა ჯგუფს მოვუწოდებ, სასწრაფოდ დატოვონ დისლოკაციის ადგილები და საკუთარ ოფისში წამოვიდნენ.
მოვუწოდებ საქართველოს ხელისუფლებას, დაიცვან ტელევიზიების ოფისები, რადგან ჩვენ გვაქვს ინფორმაცია, რომ აპირებენ ოფისების დარბევას, მათ შორის “მთავარი არხის” ოფისის. და კვლავ, გადადგეს ის ხელისუფლება, რომელმაც ეს ვერ მოახერხა. გადადგეს საქართველოს პრემიერ-მინისტრი და ყველა ის ადამიანი, ვინც პასუხისმგებელი იყო ჟურნალისტების უსაფრთხოებაზე, რომლებიც მუშაობდნენ იქ და ასეთი მძიმე შედეგით ვითარდება ყველაფერი,” – განაცხადა გვარამიამ “მთავარის” ეთერში საუბრისას.