“მთავარი არხის” გენერალური დირექტორი, ნიკა გვარამიამ “მთავარის” ეთერში განაცხადა, რომ საქართველოს პრემიერ-მინისტრი ირაკლი ღარიბაშვილი დაკავებული თანამდებობიდან უნდა გადადგეს. მისი თქმით, დღეს განვითარებულ მოვლენებზე პასუხისმეგებლი და ძალადობის წამხალისებელი სწორედ ხელისუფლებაა.
“მთელი ეს ძალადობა წახალისებულია პრემიერ-მინისტ ირაკლის ღარიბაშვილის მიერ, მთელი ეს ძალადობა არის მის კისერზე. ღიად მოვუწოდებ საერთაშორისო თანამეგობრობას, საქართველოს პოლიტიკურ სპექტრს, მათ შორის “ქართულ ოცნებას” და უმრავლესობას გააკეთონ ყველაფერი, რომ ეს კაცი თანამდებობას ჩამოაშორონ.
მოვუწოდებ ირაკლი ღარიბაშვილს გადადგეს თანამდებობიდან. ეს არის კატასტორფა რაც ეხლა თბილისის ქუჩებში ხდება.
ხელისუფლება ყველაფერ ამაზე არის პასუხისმგებელი. საქართველოს პრემიერ-მინისტრი ამ დღის შემდეგ არც მორალურად, არც სამართლებრივად, არც პოლიტიკურად არ არის უფლებამოსილი, რომ ამ ქვეყნის მართვა გააგრძელოს. ის, არის პოლიტიკური გვამი და უნდა გადადგეს.” – აცხადებს ნიკა გვარამია.