სასწორი
ზოდიაქოს ამ ნიშნის წარმომადგენლებს 2024 წლის ზაფხულში ფინანსურად განსაკუთრებით გაუმართლებთ. შესაძლოა, იმ საქმემ, რომელიც წამოიწყეთ, წარმატება მოგიტანოთ ან ახალ, მომგებიან პროექტში ჩაერთოთ, მიიღოთ მოულოდნელი ფინანსური სიურპრიზი, ბონუსი, წახალისება.. ნებისმიერ შემთხვევაში, ამ მიმართულებით შესამჩნევი წარმატება გექნებათ. თუმცა, ასტროლოგები გირჩევენ, ფული სარისკო გარიგებებსა და საქმეებში არ ჩადოთ. შესაძლოა, არასასურველი შედეგი მიიღოთ. ასევე, ნუ შეგეშინდებათ პასუხისმგებლობების აღებისა და საკუთარი შესაძლებლობების სრულად გამოვლენის – ასეთ შემთხვევაში, წარმატების გაცილებით მეტი შანსი გექნებათ.
თხის რქა
ზოდიაქოს ამ ნიშნის წარმომადგენლებისათვის სასიამოვნო ცვლილებები პირად ცხოვრებაში დაიწყება. შესაძლოა, საბოლოოდ გაწყვიტოთ კავშირი იმ ადამიანთან, რომელსაც თქვენთვის ბედნიერება აღარ მოაქვს და ურთიერთობაც ტოქსიკურია. ამის გამო, არ არის გამორიცხული, სტრესული დღეებიც გქონდეთ, მაგრამ იმისათვის, რომ თქვენს ცხოვრებაში სიახლეები შემოვიდეს, მოძველებულ ურთიერთობებს უნდა დაემშვიდობოთ. ზაფხულის შუა პერიოდში გაქვთ შესანიშნავი შესაძლებლობა, თქვენთვის საინტერესო ადამიანს შეხვდეთ, რომელიც ბედნიერ თავგადასავალსა და სასიამოვნო დღეებს გაჩუქებთ, მოგცემთ მოტივაციას და თავს კარგად გაგრძნობინებთ.
კურო
რომანტიკული ურთიერთობების თვალსაზრისით სასიამოვნო სიახლეები ელის კუროს ნიშნის წარმომადგენლებსაც. 2024 წლის ზაფხულში შესაძლოა, თქვენი ცხოვრების მთავარ სიყვარულს შეხვდეთ და მასთან ერთად განსხვავებული ეტაპი დაიწყოთ. გარდა ამისა, ეს ზაფხული ბევრ განსხვავებულ თავგადასავალსა და ახალ აღმოჩენას გიმზადებთ. მოემზადეთ, დამსახურებული დასვენებისა და ჯილდოს მისაღებად.
ლომი
2024 წლის ზაფხულში შესაძლოა, კარიერული თვალსაზრისით მნიშვნელოვანი წარმატება შეგხვდეთ. კერძოდ, თქვენი შრომა, თავდადება დააფასონ, დაგაწინაურონ, ახალი პოზიცია შემოგთავაზონ და შესაბამისად, ანაზღაურებაც გაგიზარდონ. გარდა ამისა, თუკი საკუთარი ბიზნესი, რაიმე წამოწყება გაქვთ, ასევე ძალიან დიდი წარმატება და იღბალი გელით. ფინანსურად იმდენად შესამჩნევი იქნება ეს ცვლილება, რომ არაერთი ოცნების ასრულებას შეძლებთ.
თევზები
2024 წლის ზაფხული გაძლევთ შანსს, ყველაზე ამბიციურ გეგმებსა და პროექტებს შესანიშნავად გაუმკლავდეთ, საკუთარ შესაძლებლობებს აჯობოთ და დიდ წარმატებასა და აღიარებას მიაღწიოთ. ზაფხულის პერიოდში იგრძნობთ, რომ თქვენი მოტივაცია, თავდაჯერებულობა და ენერგია გაიზარდა. ეს კი გავლენას ცხოვრების ყველა სფეროზე მოახდენს. გახდებით უფრო თამამი და გამბედავი როგორც საქმიანი, ასევე პირადი ურთიერთობების კუთხით. დიდ ტრანსფორმაციას გაივლით, რაც სამომავლოდ აუცილებლად გამოგადგებათ.