ეს არის ჩემი საბოლოო პასუხი – ეკატერინა ხვედელიძე – ივანიშვილი როსტომ ცხვედიანს ვიდეო-კლიპით პასუხობს.
პასუხს “ტვ იმედი” ავრცელებს.
“ეკატერინა ხვედელიძე – ივანიშვილის პასუხი როსტომ ცხვედიანს
ბატონო როსტომ, ეს ვიდეო არის ჩემი მოკლე პასუხი თქვენს დღევანდელ მომართვაზე.
იმედი მაქვს, რომ გულდასმით უყურებთ სულ რაღაც ორწუთიან ვიდეორგოლს.
ეს არის ჩემი საბოლოო პასუხი. გემშვიდობებით კეთილი სურვილებით.
პატივისცემით, ეკატერინა ხვედელიძე – ივანიშვილი”, – ნათქვამია მიმართვაში.
მთელი ცივილური სამყარო (ჩვენი სტრატეგიული პარტნიორები) ამ კანონს იწუნებს და გვეუბნება, თუ ამ კანონს მიიღებთ, თქვენთვის არა თუ დასავლეთის კარი დაიკეტება, არამედ სხვა ღონისძიებებსაც მივმართავთო. დამეთანხმებით, ეს არც ჩვენს ქვეყანას და არც ჩვენ ხალხს არანაირად არ წაადგება – თბილისის სამედიცინო უნივერსიტეტის მოწვეულმა ლექტორმა, როსტომ ცხვედიანმა “ოცნების” საპატიო თავმჯდომარის, ბიძინა ივანიშვილის ცოლს, ეკატერინე ხვედელიძეს სოციალურ ქსელში მორიგი წერილით დღეს უპასუხა.
გუშინ ოლიგარქის ცოლმა, ეკატერინე ხვედელიძემ რამდენიმე ვრცელი წერილი გაავრცელა.
ივანიშვილის ცოლი რუსულ კანონს იცავს და არაფერს ამბობს ძალადობის სერიებზე, რაც საზოგადოებამ არაერთხელ იხილა.