“ზონდერ-დაჯგუფებები დამესხნენ თავს… ეს არის რუსული მეთოდები და ისინი არიან დამთავრებულები”, – ამის შესახებ ენმ-ის წევრი დიმა ჩიქოვანი TV პირველის ეთერში მასზე განხორიელებული თავდასხმის შემდეგ ისაუბრა.
“კარგად ვარ, კარგად ვარ. მაგრამ ეს არის რეჟიმის დასასრული. ეს არის ბოლო. ანუ, ვერ შეგვაშინებენ, ეს არის ბოლო. ეს არის წარმოუდგენელი რამ. ყველა კარგად ვიქნებით არაფერი არ დაგვემართება და “ქართული ოცნება” დამთავრდება. რუსული რეჟიმი ამ ქვეყანაში ვერ იარსებებს ვერასდროს. საქართველო იქნება თავისუფალი და ქართული ოცნება ეს არის რუსები, რუსული მეთოდით მომუშავე ხალხი და ეს არის მათი დასასრული.
ზონდერ-დაჯგუფებები, ესენი არიან მშიშრები. ამ ქვეყანას ვერ გაარუსებენ, ეს არის რუსული მეთოდები და ისინი არიან დამთავრებულები.
მე მინდა მივმართო ჩემს თანამებრძოლებს, მეგობრებს, რომლებიც უკვე კვირებია, ვდგავართ ქუჩაში და ვაპროტესტებთ იმას, იმ რუსულ კანონს…
ნუ, არაფერი, არაფერი არ მოხდა. ვერაფერს ვერ გვიზამენ. ეს არის დასასრული, – თქვა დიმა ჩიქოვანმა TV პირველის ეთერში
ცნობისთვის, “ერთიანი ნაციონალური მოძრაობის” წევრს დიმა ჩიქოვანს საცხოვრებელ სახლთან ფიზიკურად გაუსწორდნენ. “მთავარი არხის” ინფორმაციით, ის ახლა კლინიკაში გადაჰყავთ.