ალეკო ელისაშვილის წინააღმდეგ სასტიკ ანგარიშსწორებას ვაჟა სირაძე ხელმძღვანელობდა, ანზორ ჩუბინიძე კი ზედამხედველობას უწევდა.
ტვ პირველის მიერ გადაღებულ კადრებში ორივე მაღალჩინოსანი ადვილი გასაშიფრია.
“ძირს ვეგდე და ვისაც არ ეზარებოდა მირტყამდა” – ამბობს ელისაშვილი, რომელსაც პოლიციელებმა ნეკნი ჩაუმტვრიეს და სახის არეში მძიმე დაზიანებები მიაყენეს.
დეპუტატი იხსენებს, რომ პირადად სირაძემ გასცა მისი ცემის ბრძანება, რის შემდეგაც ის კანცელარიის წინ მიწაზე დააგდეს და რამდენიმე პოლიციელი წიხლებს გამეტებით ურტყამდა.
გამოძიება დაწყებულია, მტკიცებულებები ჩვენს მიერ გადაღებული კადრებია, ელისაშვილი კი ჩვენების მისაცემად კოკა კაციტაძის უწყებაში ხვალ მივა.