ირანში სიკვდილით დასაჯეს სამირა საბზიანი, რომელიც ქმრის მკვლელობის ბრალდებით 10 წლის განმავლობაში პატიმრობაში იყო. ამის შესახებ ინფორმაცია გაავრცელა ნორვეგიაში დაფუძნებულმა ირანის ადამიანის უფლებათა დაცვის ჯგუფმა.
ადამიანის უფლებათა დაცვის ორგანიზაციის ცნობით, საბზიანი 15 წლის ასაკში დააქორწინეს. მისი ოჯახის წევრების ცნობით, ის იყო ჯახური ძალადობის მსხვერპლი. ქალი ახლა 30-წლამდე უნდა ყოფილიყო, ზუსტი ასაკი ცნობილი არ არის.
Amnesty International-ის განცხადებით, შემაშფოთებელია ირანიდან მიღებული ცნობები სიკვდილით დასჯის შესახებ. მათ განცხადებაში აღნიშნულია, რომ ორი შვილის დედა ბავშვობაში იძულებით დააქორწინეს.
საბზიანი დაახლოებით ათი წლის წინ დააკავეს. ქმრის მკვლელობის ბრალდებით. მაშინ ის 19 წლის იყო. ირანის სასამართლომ მას სიკვდილით დასჯა მიუსაჯა. მას ჰყავდა ორი შვილი, რომლებიც დაკავების შემდეგ არ უნახავს. შვილები ქალმა ამ თვის დასაწყისში ნახა.