facebook-გვერდმა – „შენი სიცოცხლის გადასარჩენად“ – სასიხარულო ინფორმაცია გაავრცელა.
გვერდის მიერ სოციალურ ქსელში გამოქვეყნებული პოსტის თანახმად, გარდაბანში, სასწრაფოს ექიმებმა კაცს გაჩერებული გული აუმუშავეს.
„გარდაბნის რაიონული სამსახურის ბრიგადამ პაციენტის სიცოცხლე გადაარჩინა.
გამოძახების ადგილზე მისულ სასწრაფო სამედიცინო დახმარების ბრიგადას საშუალო ასაკის მამაკაცი უმძიმეს მდგომარეობაში დახვდათ. როგორც პარამედიკოსი მამუკა ხომასურიძე იხსენებს მამაკაცს გულისცემა და სუნთქვა არ აღენიშნებოდა. ბრიგადის წევრების მიერ პაციენტი აყვანილ იქნა მონიტორზე და დაუყოვნებლივ დაწყებული პროტოკოლით გათვალისწინებული რეანიმაციული ღონისძიების შედეგად, მამაკაცის გულისცემა აღდგა და მან სუნთქვა დაიწყო.
სასწრაფო სამედიცინო დახმარების ბრიგადის მიერ პაციენტი სტაბილური მდგომარეობით, ერთ-ერთ კლინიკაშია გადაყვანილი.
#გვეამაყებაპარამედიკოსი მამუკა ხომასურიძე
ექთანი- მაია შოშიტაშვილი
მძღოლი ვლადიმერ ჯიოევი
#ბრძოლასიცოცხლისგადასარჩენად“, – აღნიშნულია პოსტში.