ლომი
თუკი ჯერ კიდევ ვერ იპოვეთ მეორე ნახევარი, 2023 წლის შემოდგომის ბოლო თვე გაძლევთ შანსს, რომ შეხვდეთ ადამიანს, რომელიც ძალიან მოგეწონებათ. მასთან კომუნიკაციისას, იფიქრებთ, რომ ბევრი საერთო გაქვთ. მეგობრობა კი სიყვარულში გადაიზრდება და თავს ბედნიერად იგრძნობთ. ნოემბერი თქვენთვის ბევრი დადებითი ემოციით იქნება დატვირთული. ასტროლოგების თქმით, ახლა თქვენი შრომა, მონდომება და შემართება აუცილებლად დაფასდება და არ არის გამორიცხული, კარიერული ზრდის თვალსაზრისითაც კარგი სიახლე გქონდეთ. დამსახურებულ ჯილდოსა და აღიარებას მიიღებთ და კარიერულ საფეხურზე კიდევ უფრო მეტად დაწინაურდებით.
თევზები
2023 წლის ოქტომბრის განმავლობაში თევზები ერთგვარ დაბნეულობას განიცდიდნენ. ბევრი ფიქრი და ემოცია ირეოდა ერთმანეთში და შესაძლო, ამის გამო ცუდ განწყობაზეც იყავით, გადაწყვეტილებების მიღება გიჭირდათ. თუმცა, ახლა ყველაფერი შეიცვლება. საოცარ ენერგიასა და მოტივაციას იგრძნობთ და მიხვდებით, რომ საბოლოოდ, ყველაფერი ზუსტად იქაა, სადაც უნდა იყოს. დიდი შანსია, რომ ხელფასი გაგეზარდოთ და თქვენი შრომა კიდევ უფრო დააფასონ. შემოდგომის ბოლოს კრიზისული სიტუაციების დასაძლევად იდეალური პერიოდი დგება და თავს მშვიდად იგრძნობთ. საბოლოოდ იტყვით უარს ყველაფერზე, რაც უარყოფით ემოციებს განიჭებთ და მოტივაციას გაკარგვინებთ. ის ფაქტი, რომ თქვენი მენტალური მდგომარეობა გაცილებით გაუმჯობესდება, უამრავ ახალ და საინტერესო წამოწყებასთან, წარმატებასთან და აღიარებასთან მიგიყვანთ.
მორიელი
მორიელებისთვის 2023 წლის ნოემბერი რომანტიკული სიურპრიზებით იქნება სავსე. ზოდიაქოს ამ ნიშნის წარმომადგენლების პირადი ცხოვრება შემოდგმის ბოლოსკენ მნიშვნელოვნად შეიცვლება. შესაძლოა, საყვარელი ადამიანისაგან ქორწინების, ნიშნობის, ურთიერთობის უფრო სერიოზულ ფაზაში გადაყვანის წინადადება მიიღოთ. გარდა ამისა, შეძლებთ, პარტნიორთან კრიზისული სიტუაციის მოგვარებასა და საკითხების გარკვევას. ახლა თქვენი ურთიერთობა გაცილებით ჰარმონიული გახდება. ასტროლოგების თქმით, 2023 წლის ნოემბერში მორიელები ყველა მხრიდან ყურადღების ცენტრში მოექცევიან, შეძლებენ საკუთარი შესაძლებლობებისა და პოტენციალის სრულად გამოვლენას და საინტერესო საქმიან შეთავაზებებსაც მიიღებენ.