მსოფლიოში კაკაოს მარცვლების გლობალური დეფიციტის გამო, შესაძლოა შოკოლადი კიდევ უფრო გაძვირდეს, – ამის შესახებ გამოცემა Bloomberg წერს. მისი ცნობით, გასული წლის განმავლობაში კაკაოს ფასები დაახლოებით 47%-ით გაიზარდა.
ამის მიზეზი კი ისაა, რომ ცუდი ამინდი და ნათესებში დაავადების გავრცელება უარყოფითად მოქმედებს კოტ-დ’იუვარისა და განას კაკაოს მოსავალზე, რომელიც მსოფლიოს კაკაოს მარაგის ორ მესამედს უზრუნველყოფს.
სექტემბრის შუა რიცხვებში ნიუ-იორკის კაკაოს ფიუჩერესმა 12 წლის მაქსიმუმს მიაღწია, შემდეგ კი ოდნავ დაეცა. ეს პროცესები გამოიწვია ძლიერმა წვიმამ, მავნებლების შემოტევამ და დასავლეთ აფრიკაში მცენარეთა დაავადებების გავრცელებამ. კოტ დ’იუვარში მოსავლის ახალი სეზონი, რომელიც ოქტომბრიდან მარტამდე გრძელდება, შესაძლოა შარშანდელთან შედარებით 20%-ით შემცირდეს.
ტრეიდერ მარქსის პროგნოზით, კაკაოს გლობალური დეფიციტი 279 ათასი ტონა იქნება, რაც რეკორდული მაჩვენებელია. რაც მთელ მიწოდების ჯაჭვზე აისახება.