“სკოლები უნდა გადაეცეს მუნიციპალიტეტებს.. რა უბედურებაა ეს…” – მერაბ მეტრეველი

ჟურნალისტი მერაბ მეტრეველი სოციალურ ქსელში წერს:

ესე იგი, ისევ ვერ იწყება სწავლა ბევრ სკოლაში, რადგან განათლების სამინსტრომ ისევ ვერ მოასწრო რემონტი. ბავშვები შეხიზნული ყავთ სხვადასხვა სკოლებში და უწევთ მე-2, მე-3 და ზოგან მე-4 ცვლაში სწავლა.

სამინისტროს უპასუხისმგებლობაზე აღარ შევჩერდები, აქ ყველაფერი ცხადია. ზოგადად დიდი რეფორმაა ჩასატარებელი და სკოლები ჩემი აზრით, უნდა გადაეცეს მუნიციპალიტეტებს და მიყვეს შესაბამისი ბიუჯეტიც. რა უბედურებაა ეს ყველაფრის ცენტრალიზებული მართვა? განათლების სამინისტრომ უნდა დაამტკიცოს ეროვნულის სასწავლო გეგმა, დანარჩენი ყველაფერი უნდა გააკეთოს მუნიციპალიტეტმა.

ანუ შენობები უნდა გადავიდეს მათ ბალანსზე, მათ უნდა გადაწყვიტონ, რომელ სკოლას რემონტი ჭირდება, რომელს დანგრევა და თავიდან აშენება, მასწავლებლების ხელფასები უნდა განსაზღვრონ მათ, დირექტირებიც მათ უნდა დანიშნონ; უფრო სწორად აირჩიოს საკრებულომ. საკრებულო უნდა აცხადებდეს კონკურსს, კანდიდატები საკრებულოს წინაშე უნდა გამოდიოდნენ და საკრებულო უნდა ირჩევდეს თავისი რაიონის სკოლის დირექტორებს. კვორუმი უნდა იყოს 2/3, რათა ოპოზციის ხმებიც იყოს საჭირო და ყველა დირექტორი ხელისუფლებამ არ აირჩიოს.

საკრებულომ უნდა განსაზღვროს მის რაიონში, თუ ქალაქში რამდენი ექნება ხელფასი მასწავლებელს. თუ რომელიმე ქალაქის, ან რაიონის საკრებულო ჩათვლის, რომ მათთვის პრორიტეტია განათლება, მოუმატებს ხელფასებს, ამას სხვა ქალაქი და რაიონი მიბაძავს და იქნება ჯანსაღი კონკურენცია. თვითმმართველობის ფუნქციებიც გაიზრდება.

ყველაფრის ცენტრალიზებული მართვა უნდა დასრულდეს და ეს დაიწყოს უნდა სკოლებით – წერს მერაბ მეტრეველი.