მსახიობ ია ფარულავას მამიდის ცხედარი თბილისში უნდა გადმოესვენებინათ, თუმცა აღმოჩნდა, რომ ცხედრის ტრანსპორტირება ამერიკიდან სტამბოლის აეროპორტში მოხდა, თურქეთიდან კი თბილისში მხოლოდ საბუთები გამოიგზავნა.
როგორც მსახიობი და ტელეწამყვანი ჰყვება, ჭირისუფლები დილიდან ცდილობენ გაარკვიონ, რატომ ვერ უზრუნველყო კომპანია “ლასარემ” ცხედრის სტამბოლიდან თბილისში ჩამოსვენება. რეისს ავიაკომპანია “თურქიში” ასრულებდა.
გარდაცვლილის ოჯახის წევრების ინფორმაციით, მათ ცხედრის ამერიკიდან თბილისში გადმოსვენებაში ამერიკაში საქართველოს საელჩო დაეხმარა.
ავიაკომპანიის წარმომადგენლები კომენტარის გაკეთებაზე უარს აცხადებენ.
“დილით, გამთენიისას თურქიშით უნდა ჩამოსულიყო, ნიუ-იორკი, სტამბოლი, სტამბოლი თბილისი. მოხდა ისე, რომ…მიცვალებულებს ჩამოაბრძანებენ საბარგო ნაწილით და ქვია ბარგი 54 და ჩვენი ბარგი 54 არ ჩამოვიდა. არავინ არ იცის სად არის დოდო მამიდა. დოდო მამიდა ნიუ-იორკში დარჩა, დოდო მამიდა სტამბოლშია, ეს ხომ არ არის რაღაც, ეს ხომ მიცვალებულზეა საუბარი” – განაცხადა ია ფარულავამ.