„ერთიანი ნაციონალური მოძრაობის“ ლიდერი რომან გოცირიძე, მთიანი ყარაბაღის კონფლიქტის შესახებ საქართველო პრეზიდენტის სალომე ზურაბიშვილის განცხადებას ეხმაურება. გოცირიძის თქმით, სალომე ზურაბიშვილს რუსეთ-ირან-თურქეთის ალიანსში საქართველოს გაწევრიანება სურს. გოცირიძე ფიქრობს, რომ ამ განცხადების შემდეგ, ზურაბიშვილს მორალური უფლება არ აქვს იყოს დაკავებულ თანამდებობაზე და მან პრეზიდენტის პოსტი უნდა დატოვოს.
„სალომე ზურაბიშვილი უნდა გადადგეს!“ – დაწერა რომან გოცირიძემ ფეიბუკის პირად გვერდზე.
ცნობისთვის, საქარველოს პრეზიდენტმა კიდევ ერთხელ ისაუბრა მთიანი ყარაბაღის კონფლიქტის სამმხრივი შეთანხმებით დასრულებაზე, რომლითაც რეგიონში რუსი სამშვიდობოები განლაგდნენ.
„მეორე გამოწვევა ამ წლის იყო კონფლიქტი ჩვენ რეგიონში – ძალიან დიდი გამოწვევა. კიდევ ერთხელ მინდა მივესალმო იმას, რასაც ადრეც მივესალმე, ანუ მშვიდობის აღდგენას, რაც ჩვენთვის და არამხოლოდ ჩვენი მეზობლებისთვის, სამივესთვის სასიცოცხლოდ მნიშვნელოვანია. მთლიანი რეგიონის კეთილდღეობა და განვითარება ამაზე არის დამოკიდებული – მშვიდობაზე და სტაბილურობაზე. ამავე დროს, ჩვენ ვიცით, რომ ყველანი ჩართულები იყვნენ ამ მიზანის მიღწევაში, ყველა ფასილიტატორები, ყველა, ჩვენს გარდა და ეს ძალიან სამწუხაროა. სწორედ ყველას ერთად თავმოყრის შესაძლებლობა იყო საუკუნეების მანძილზე საქართველოს ისტორიული როლი კავკასიაში და არის. სწორედ ამიტომ, მე ღრმად ვარ დარწმუნებული, რომ საქართველო კავკასიური პლატფორმის ინიციატივის მიმართ ვერ იქნება ვერც პასიური და ვერც მეორეხარისხოვანი. ვიმედოვნებ, რომ 2021 წელი იქნება ამ კუთხით ჩვენი გაცოცხლების წელი“, – განაცხადა ზურაბიშვილმა.
კომენტარები
0 კომენტარები
