„ბათუმი არენა“ ევროტურნირის მატჩს უმასპინძლებს. 26 ნოემბერს ბათუმში „ევროპა ლიგის“ მეხუთე ტურის შეხვედრა გაიმართება, რომელშიც ერთმანეთს თურქული „ბეშიქთაში“ და ისრაელური „ჰაპოელ ბეერ-შევა“ დაუპირისპირდებიან.
Turkiyetoday-ის ინფორმაციით, UEFA-მ სტამბოლში მატჩის გამართვა სარისკოდ მიიჩნია. თურქეთსა და ისრაელს შორის არსებული დაძაბული პოლიტიკური ვითარებისა და უსაფრთხოების ზომებიდან გამომდინარე, თურქულ გუნდს შეხვედრის ნეიტრალურ მოედანზე გამართვა მოუწევს.
„ბეშიქთაშისა“ და „ჰაპოელ ბეერ-შევას“ დაპირისპირება 26 ნოემბერს, ადგილობრივი დროით 21:45 საათზე დაიწყება. გავრცელებული ინფორმაციით, მატჩზე მაყურებლების დასწრება ნებადართულია.