ნაფიცები დუმილს არღვევენ: რატომ ვერ გამოუტანეს განაჩენი შვილების მკვლელობაში ბრალდებულ ქალს

ლინდსი კლენ­სის საქ­მის ნა­ფიც­მა მსა­ჯუ­ლებ­მა პირ­ვე­ლად ისა­უბ­რეს იმ მძი­მე თათ­ბი­რის შე­სა­ხებ, რო­მე­ლიც სა­ბო­ლო­ოდ ხმა­უ­რი­ან და­პი­რის­პი­რე­ბა­ში გა­და­ი­ზარ­და. ერ­თმა ნა­ფიც­მა მსა­ჯულ­მა სა­ბო­ლოო გა­და­წყვე­ტი­ლე­ბას მხა­რი არ და­უ­ჭი­რა, რის გა­მოც კო­ლე­გი­ამ ერ­თსუ­ლო­ვა­ნი გა­ნა­ჩე­ნის გა­მო­ტა­ნა ვერ შეძ­ლო და საქ­მე გა­ნა­ჩე­ნის გა­რე­შე დას­რულ­და.

მა­მა­კა­ცი კლენ­სის “სი­გი­ჟის დი­აგ­ნო­ზით” გა­მარ­თლე­ბას აპი­რებ­და, მი­უ­ხე­და­ვად იმი­სა, რომ საქ­მე­ში გო­ნივ­რუ­ლი ეჭ­ვის არ­სე­ბო­ბას აღი­ა­რებ­და.
ლინდსი კლენ­სი სა­კუ­თა­რი სამი მცი­რე­წლო­ვა­ნი შვი­ლის – კო­რის, დო­უსო­ნი­სა და კა­ლა­ნის – მკვლე­ლო­ბა­შია ბრალ­დე­ბუ­ლი. პრო­კუ­რა­ტუ­რის ვერ­სი­ით, ქალ­მა ბავ­შვე­ბი და­ახ­რჩო, შემ­დეგ კი თვით­მკვლე­ლო­ბა სცა­და. დაც­ვის მხა­რის გან­ცხა­დე­ბით, და­ნა­შა­უ­ლის ჩა­დე­ნის დროს მას მშო­ბი­ა­რო­ბის შემ­დგო­მი ფსი­ქო­ზი ჰქონ­და, რის გა­მოც სა­კუ­თა­რი ქმე­დე­ბე­ბის გა­აზ­რე­ბა და მათი შე­დე­გე­ბის შე­ფა­სე­ბა არ შე­ეძ­ლო. სა­სა­მარ­თლო პრო­ცე­სი ხუთი კვი­რის გან­მავ­ლო­ბა­ში მიმ­დი­ნა­რე­ობ­და, ნა­ფიც მსა­ჯუ­ლებს კი და­ახ­ლო­ე­ბით 300 მტკი­ცე­ბუ­ლე­ბის გან­ხილ­ვა მო­უ­წი­ათ.

ნა­ფიც მსა­ჯუ­ლებს კლენ­სის საქ­მე­ზე ხუთი შე­საძ­ლო გა­და­წყვე­ტი­ლე­ბა ჰქონ­დათ: მათ შე­ეძ­ლოთ ის პირ­ვე­ლი ან მე­ო­რე ხა­რის­ხის მკვლე­ლო­ბა­ში, ასე­ვე გა­უფრ­თხი­ლებ­ლო­ბით ჩა­დე­ნილ მკვლე­ლო­ბა­ში დამ­ნა­შა­ვედ ეც­ნოთ. სხვა ვა­რი­ან­ტი იყო მისი სრუ­ლი გა­მარ­თლე­ბა ან პა­სუ­ხის­მგებ­ლო­ბის­გან გა­თა­ვი­სუფ­ლე­ბა ფსი­ქი­კუ­რი მდგო­მა­რე­ო­ბის გამო.

ნა­ფი­ცი მსა­ჯუ­ლე­ბის თქმით, მსჯე­ლო­ბის დროს ერთ-ერ­თმა მა­მა­კაც­მა აღი­ა­რა, რომ საქ­მე­ში გო­ნივ­რუ­ლი ეჭვი არ­სე­ბობ­და, თუმ­ცა კლენ­სის ფსი­ქი­კუ­რი მდგო­მა­რე­ო­ბის გამო გა­სა­მარ­თლე­ბას მა­ინც არ ეთან­ხმე­ბო­და.

მა­მა­კა­ცი ასე­ვე ინ­ტე­რეს­დე­ბო­და იმ მე­დი­კა­მენ­ტე­ბით, რომ­ლებ­საც კლენ­სი იღებ­და. ნა­ფიც­მა მსა­ჯუ­ლებ­მა ამ სა­კი­თხთან და­კავ­ში­რე­ბით შე­ის­წავ­ლეს ტოქ­სი­კო­ლო­გი­უ­რი დას­კვნე­ბი და სა­ა­ვად­მყო­ფოს ჩა­ნა­წე­რე­ბი, სა­დაც კლენ­სი ბავ­შვე­ბის მკვლე­ლო­ბის შემ­დეგ თვით­მკვლე­ლო­ბის მცდე­ლო­ბის გამო მკურ­ნა­ლობ­და.