საქართველოს ჰუმანიტარულ და სახელოვნებო მეცნიერებათა აკადემიის წევრები აკადემიის პრეზიდენტს, პროფესორ გიორგი ჩახუნაშვილს საერთო განცხადებით მიმართავენ და ურჩევენ გამოიყენოს საპროცესო შეთანხმების შესაძლწებლობა, რათა თავისუფლებას, ოჯახს და მედიცინას დაუბრუნდეს.
„მოგმართავთ გულწრფელი თხოვნით, რომ გამოიყენოთ შესაძლებლობა (საპროცესო შეთანხმება), რომელიც საშუალებას მოგცემთ, დაუბრუნდეთ თავისუფლებას, ოჯახს, მედიცინასა და საზოგადოებას.
ჩვენი თხოვნა მიიღეთ, როგორც თქვენდამი ზრუნვის, ღრმა პატივისცემის, ნდობისა და გულწრფელი თანადგომის გამოხატულება” – წერია მიმართვაში.
4 ოქტომბრის საქმეზე დაკავებულ 72 წლის პედიატრს, აკადემიკოს გიორგი ჩახუნაშვილს მოსამართლე გიორგი გელაშვილმა 19 ივნისს 5-წლიანი პატიმრობა მიუსაჯა.