ლევან მახაშვილი აცხადებს, რომ პატივს სცემს იმ წესებს, რომელიც ევროკავშირმა გადაადგილებასთან დაკავშირებით დაადგინა.
“ბრიუსელისგან განსხვავებით, ჩვენ პატივს ვცემთ იმ წესებს, რაც არის დადგენილი ევროკავშირის გადაადგილებასთან დაკავშირებით. ვგულისხმობ იმას, რომ სადაც ვიზით არის ჩასვლა საჭირო, ვიზით წავალთ, სადაც უვიზოდ არის, უვიზოდ ჩავალთ. ჩვენ არ ვაპირებთ, ბრიუსელისგან განსხვავებით, ბოროტად გამოვიყენოთ ან არაკეთილსინდისიერად გამოვიყენოთ ეს წესები… დასანქცირებული არ არის, ევროკავშირის მხრიდან, არც ერთი ჩემი კოლეგა დასანქცირებული არ არის ევროკავშირისგან. ბევრი ევროპარლამენტარი თავად უყურებს ამ რეზოლუციებს, როგორც მაკულატურას… არ ვაპირებთ სადღაც საზღვრებში შეპარვას…” – თქვა ლევან მახაშვილმა.