საქართველოს მეხუთე პრეზიდენტმა, სლალომე ზურაბიშვილმა დღეს დილით გამოაქვეყნა პოსტი, სადაც მის სახლთან მომხდარი დაპირისპირების შესახებ წერდა.
აღნიშნულთან დაკავშირებით, ზურაბიშვილმა მედიასთან პირველი კომენტარი გააკეთა.
„რაც დავწერე ის მოხდა. მეტი არაფერი არ ვიცი. დანარჩენი ვისაც ეხება უსაფრთხოება, იმათმა უნდა გაიგონ რატომ მოხდა, რა მოხდა და როგორ შეიძლება ასეთი რამ შუა ქალაქში ხდებოდეს. ეს ახალგაზრდების დაპირისპირება არ იყო. მე რასაც ვუყურებდი, ახალგაზრდები არ იყვნენ, იყო რაღაცა სხვა კატეგორია, რომელიც მე არ ვიცი, ვინაა. ეს ნიშნავს უსაფრთხოების არარსებობას და განუკითხაობას ქვეყანაში. მე ძალიან კარგად ვიცავ ჩემს თავს და გომბორა (ძაღლი) მყავს ძალიან კარგი დამცველი. 8-9 ტყვია იყო ამ დილით ყველგან მოფენილი. პოლიცია არა, გამოძების უწყება მოვიდა შემდეგ. დააკავეს თუ არა ვინმე, ამის შედეგები მათ ჰკითხეთ უკვე“, – თქვა ზურაბიშვილმა.
ზემოაღნიშნულთან დაკავშირებით, შინაგან საქმეთა სამინისტროს განცხადებას გაეცანით ბმულზე.