მაკედონიასთან ფინალურ მატჩამდე საქართველოს ეროვნული ნაკრების ფეხბურთელმა ნიკა კვეკვესკირმა ”დინამო არენაზე” გამართულ პრესკონფერენციაზე უმნიშვნელოვანესი მატჩის შესახებ ემოციურად ისაუბრა.
ნიკა კვეკვესკირი: ”რთულია, როცა ჩვენს მეგობარს და ჩვენს თანაგუნდელს კორონავირუსი ოცნების მატჩს ართმევს. მძიმეა, როცა შენი მეგობრის აცრემლებულ თვალებს უყურებ. არ ვქმნით ტრაგედიას, გვესმის, რომ არსებულ ვითრებაში ამ მატჩს შესაძლებელი იყო დანაკლისები მოჰყოლოდა.
არაერთი დანაკლისის მიუხედავად ვლადიმირ ვაისის ფორმაციის ნაკრების პლუსი ყოველთვის გუნდურობა იყო. არ გვაკლია მხოლოდ ორი ფეხბურთელი, უფრო მეტი გვაკლია. მაგალითად, კიტეიშვილი, მჭედლიძე, ჩაკვეტაძე, ანანიძე და სხვები, ვინც ამ წარმატების მიღწევაში დიდი წვლილი შეიტანეს.
ლაპარაკი შეგვიძლია, მაგრამ მთავარია ქომაგს დავანახოთ, რაც გუნდში ხდება. გამარჯვება ისე გვსურს, რომ ცეცხლი გვიკიდია.
როცა თამაში იწყება, ნერვიულობა ქრება.
დიდი მადლობა, რომ ქომაგებმა ბელარუსთან მატჩში ასე გვიქომაგეს. ყველაფერს გავაკეთებთ, რომ საქართველო სიხარულისგან დაინგრეს”.
შეგახსენებთ, ფინალური დაპირისპირება ”დინამო არენაზე” 12 ნოემბერს თბილისის დროით 21:00 საათზე დაიწყება. გამარჯვებული ევროპის ჩემპიონატზე ითამაშებს.
მასალაში გამოყენებულია gff.ge-ს ფოტოები.
წყარო: www.crystalsport.ge