8 ადამიანი დაიღუპა მოსკოვის სამხრეთ-აღმოსავლეთ ბრატევოს რაიონში მდებარე ერთ-ერთ ჰოსტელში გაჩენილი ხანძრის შედეგად. – ინფორმაციას უცხოური მედია The Moscow Times-ი ავრცელებს
მოსკოვის საგანგებო სიტუაციების სამმართველოს ცნობით ხანძარი 16-სართულიანი იმ შენობის პირველ სართულზე გაჩნდა, რომელშიც ძირითადად მახლობელ სავაჭრო ცენტრსა და ბაზარში მომუშავე შრომითი მიგრანტები ცხოვრობდნენ.
ხანძრის შედეგად სხეულის დაზიანებები მიიღო ოთხმა ადამიანმა, ხოლო შენობიდან 200 მობინადრის ევაკუაცია განხორციელდა.
გავრცელებული ინფორმაციით, ყველა დაზარალებული, სავარაუდოდ, ერთ ოთახში იმყოფებოდა და, შესაძლოა, მათ ხანძრის დროს ეძინათ. ხანძრის მიზეზი ოფიციალურად ჯერ არ არის დადგენილი.
კომენტარები
0 კომენტარები
