უოლტერ ბრიუს უილისის დემენცია განუვუთარდა – ვარსკვლავი დაავადებას 5 შვილსა და უმცროს ცოლთან ერთად ებრძვის. დასავლური მედიის ცნობით, მსახიობის ჯანმრთელობის მდგომარეობამ შესაძლოა მისი ცხოვრება რადიკალურად შეცვალოს და კინოდან წასვლაც კი მოუწიოს.
ჰოლივუდში ჯერ კიდევ შარშან გავრცელდა ხმები, რომ ვარსკვლავი მეხსიერებას კარგავს. მაშინ კოლეგები ამბობდნენ, რომ ბრიუსი ბოლო პერიოდში ე.წ. “ყურით” მუშაობდა – ტექსტს სუფლიორი კარნახობდა. ახლა კი ირკვევა, რომ “კერკეტი კაკალი” მართლაც ცუდად.
19 მარტს მსახიობს 67 წელი უსრულდება. ჰოლივუდური საზომებით ეს არ არის ის ასაკი, როცა კარიერა უნდა დასრულდეს, თუმცა, აღნიშნული პრობლემის გამო, პროფესიული მოვალეობის შესრულება სულ უფრო მეტად უჭირს.
“ეს მართალია. ჩემს ოთხ ფილმში ითამაშა და ძალიან სამწუხაროა იმის ხილვა, თუ როგორ ინგრევა შენს თვალწინ ასეთი ლეგენდა…” – ამბობს რეჟისორი მეთ ესკანდარი.
როდესაც უილისმა დაბალბიუჯეტიან ფილმებში გამოჩენა დაიწყო, თავდაპირველად გულშემატკივრებმა შეშფოთება გამოთქვეს, ამასთან, გახდა ქილიკის საგანი, გავრცელდა ინფორმაცია, რომ მსახიობს სცენარიდან დიალოგის გახსენება უჭირდა, მიზეზად სიზარმაცეს განიხილავდნენ.
კიდევ ერთი თეორიის თანახმად, მსახიობი ჩქარობს ითამაშოს რაც შეიძლება ბევრ, თუნდაც უხარისხო ფილმში და გამოიმუშაოს საკმარისი ფული, სანამ ტექსტს ჯერ კიდევ იმახსოვრებს.
როგორც ინტერნეტ მომხმარებლებმა შენიშნეს, მსოფლიო კინემატოგრაფიის IMDb-ის მონაცემთა ბაზის უმსხვილესი ვებსაიტის მიხედვით, 2022 წელს უილისი სულ მცირე 11 ფილმში ითამაშებს, რომელთა შესახებაც საზოგადოების უდიდეს ნაწილს არც კი სმენია.
ჯანდაცვის მსოფლიო ორგანიზაცია დემენციას განმარტავს, როგორც მეხსიერებისა და გონებრივი შესაძლებლობების გაუარესებას, რაც ქცევაზეც მოქმედებს და რომელიც დაახლოებით 65-75 წლის ასაკის მქონე ადამიანების, 25%-ში ვლინდება, ხოლო 90 წელს გადაცილებული ყოველი მე-3 ადამიანი ამ დაავადებით იტანჯება.
ბრიუს უილისმა ბიოგრაფია ეპიზოდური როლებით დაიწყო, სატელევიზიო დადგმებითა და რეკლამებით. უდიდესი წარმატება კი მოუტანა სერიალმა “დეტექტიური სააგენტო “მთვარის შუქი”, რომელსაც “კერკეტი კაკალი”, “არმაგედონი”, “მეხუთე ელემენტი” და ა.შ… მოჰყვა.
433 სულ ნახვები
კომენტარები
0 კომენტარები
