საქართველოს ყოფილმა პირველმა ლედიმ სანდრა რულოვსმა გიორგი თარგამაძესთან ინტერვიუში გაიხსენა ის მომენტი, როდესაც მიხეილ სააკაშვილისა და ლიზა იასკოს ურთიერთობის შესახებ ფეისბუქზე გავრცელებული ვიდეოდან შეიტყო.
“როდესაც უნდა დადასტურდა, რომ აყვანილია და ვნახეთ, რომ მომღიმარი მიშა შევიდა, რუსთავში იყო ხომ მაშინ? მაშინ სხვა ვიდეოც გავრცელდა და ამის შესახებ ნიკოლოზისგან გავიგე. ვიყავი დერეფანში და მაჩვენა [ნიკოლოზმა] თავის მობილური და მითრა, დედა, რაღაც რუსულადაც არის აქ და იქნებ გადამითარგმნო, დამეხმარე და ერთად ვუყურეთ ამ ვიდეოს. ეს იყო შოკი ჩემთვის, ნიკოლოზისთვის. სამი წუთი გრძელდებოდა სამივე ენაზე. სამივეჯერ მოვისმინე, მაგრამ მაინც არ მჯეროდა რაღაცნაირად. უბრალოდ, არ არსებობს – ასეთი შთაბეჭდილება მქონდა. ვერ უყურებ თვალებში რეალობას, არ გინდა აღიარო, ეს არის დარტყმა, ეგოს შეტევაა. მერე მივხვდი, რომ ეს მართლა მიშა იყო, ემშვიდობებოდა წარსულს, მერე უკვე მომიწევდა ამის აღიარება, რომ რაღაცები რადიკალურად შეიცვალა და მე ამის შესახებ არ ვიცოდი და ძალიან მიუღებელი იყო ფორმა. მთელი ქვეყნის წინაშე, არა მარტო საქართველოში, ძალიან ბევრმა ადამიანმა ნახა ეს და უდროოც იყო ძალიან. ყველა გადართული იყო მიშას დაკავებაზე და უცბად პირად სფეროში ვიდეო. რა ამისი დრო იყო, ხო? მერე დაიწყო ჩემთვის ძალიან რთული პერიოდი, აღარ მინდოდა ამბების ყურება. ბევრი რეაქცია იყო ამ ვიდეოზე. ჩემთვის ძალიან მტკივნეული იყო ამის განხილვა, დაცინვა, შეცოდება და ეს ძალიან მტკივნეული იყო, არ მინდოდა. ამ დროს მქონდა იზოლაციის პერიოდი. მესამე პერიოდი იყო პრეაქცია. მეთქი ეს მიშას ბრალი არაა, ვიღაცამ აიძულა, ვცდილობდი, აგრესიის ობიექტი არ ყოფილიყო მიშა. საერთოდ, ჯანსაღი ადამიანის ჩვეულებრივი რეაქციაა და ეს დიდხანს არ უნდა გაგრძელდეს. ჩვენ ცალკ-ცალკე ვცხოვრობდით, მაგრამ არ ნიშნავდა, რომ არ გვქონდა შესანიშნავი ურთიერთობა”, – განაცხადა რულოვსმა.