ვახტანგ ბოჭორიშვილის სახელობის კლინიკის გენერალური დირექტორი დავით გადელია “ფეისბუქის” პირად გვერდზე წერს:
“არავინ დამიჯერებს, სამწუხაროდ, მაგრამ უნდა ვთქვა…
რამდენიმე სტატუსი წავიკითხე, სადაც ამუნათებდნენ პოლიტიკური პოზიციის არგამომხატველ, ან ორივე (და მეტი) პოლიტიკური პარტიის მიმართ კრიტიკულად დამოკიდებულ ადამიანებს. მიიჩნევენ (როგორც ყველა დროს იცოდნენ, პოლიტიკურად ზედმეტად აგზნებულმა ტიპაჟებმა), რომ აუცილებლად ვიღაცისტი უნდა იყო! არანაირი კრიტიკა – უსიტყვო მორჩილება და ამავე დროს, მოწინააღმდეგეს უნდა ეძახო – მონა!
რატომ ფიქრობთ, რომ ექიმი, მასწავლებელი, ან ნებისმიერი სხვა – აუცილებლად უნდა უწყობდეს ხელს საწინააღმდეგო აზრის მქონე ადამიანებს შორის სიძულვილის კიდევ უფრო გაძლიერებას?! – მართლა გგონიათ, რომ აქ რასაც წერთ, იმით ერთ კაცს მაინც გადმოიყვანთ თქვენს ჭკუაზე?! თუ, ისევ თქვენივე პოზიციაზე მყოფ პირებს ფხანთ გულს და მეტი არაფერი…
ჩემს კლინიკაში ყველას თავისი პოლიტიკური შეხედულება აქვს. არც ვიცი ვის რა… და არც მაინტერესებს. ჩემს მოადგილეებსაც შეიძლება ჩემგან განსხვავებული პოლიტიკური პოზიცია აქვთ, მაგრამ არასდროს არათუ არ ვკამათობთ, არც ვსაუბრობთ პოლიტიკაზე! ისევე, როგორც არ ვსაუბრობთ რწმენაზე, ან სექსუალურ ორიენტაციაზე- ვთვლით, რომ ეს ძალიან პირადულია და გამოხატვა საჭიროა მხოლოდ საარჩევნო ურნასთან, ტაძარში, ან საწოლში. ზუსტად ასევე არა ვარ მომხრე ქორწინების მეორე დილით ზეწარის გამოფენის, ან აქ ყოველდღე გამოქვეყნების ვი? როგორ? და სად ილოცა…
ვისაუბროთ, ვიკამოთ ფეხბურთზე, ხელოვნებაზე, მედიცინის მიღწევებზე… ვიცი, არ დამიჯერებთ, მაგრამ მაინც უნდა გაგიმხილოთ: – “უი, როგორ ვფიქრობდი და გიამ (დათომ, ნინომ…) ამიხილა თვალები!”- ო, ასეთი ფბ – მომხმარებელი არ არსებობს!.. თუმცა, შეიძლება ვცდები და საჭიროებაა “ვინმემ” ნახოს და დააფასოს ეს ძალისხმევები… მე და ბევრ ჩემისთანას ასეთი აუცილებლობა არა გვაქვს, ამიტომ თავისუფლები ვართ კრიტიკაშიც და სიმპათიების გამოხატვაშიც. სხვადასხვა პოზიციის პოლიტიკოსის შექებაც არ მიჭირს, თუ საქციელი მომეწონა! არავის ვუშლი, წერეთ რაც გნებავთ და იყავით ვისიც გინდათ იმისტი, მაგრამ თავისუფალი ადამიანების დამუნათება – “რატომ არ ხართ თავგადაკლული ვიღაცისტი”- ძალიან სიბრიყვე და თავხედობაა!!!” – წერს დავით გადელია სოციალურ ქსელში.
80,440 სულ ნახვები
კომენტარები
0 კომენტარები
