აუცილებელია არჩევნებზე მონაწილეობის მიღება, ალბათ არჩევანის უფლება, არჩევანის პრივილეგიაა ყველასთვის, ყველა ხმას აქვს აზრი, იმ ერთ ხმას თუ არ აქვს აზრი, მაშინ არცერთ ხმას არ აქვს აზრი – ამის შესახებ მომღერლმა ზუკა ხუციშვილმა ტელეკომპანია “იმედის” გადაცემაში „იმედი LIVE“ აღნიშნა.
მან ასევე ყურადღება გაამახვილა, პოლიტიკური თუ სხვა შეხედულებების გამო საზოგადობაში არსებულ პრობლემებზე.
“მე ნამდვილად არ გამოვირჩევი პოლიტიკური განცხადებების კეთებით, მაგრამ ამ ბოლო წლების განმავლობაში, პირადად რასაც ვხედავ, მიხარია, რომ წყნარად და პროფესიონალურად ტარდება ეს არჩევნები. გული მტკივა ხოლმე, როცა საზოგადოება საკმარისად აქტიური არ არის.
შეიძლება ძალიან გულუბრყვილო და უიმედი რაღაც ვთქვა, მაგრამ იმ გზაზე, რაც ცხოვრებაში გამოვიარეთ… მოვიტანეთ ჩვენი ენა, სარწმუნოება, სხვა თაობები… ის რაც იყო.., მაგრამ ერთმანეთის სიყვარული და პატივისცემა დავკარგეთ. უნდობლობა ერთმანეთის მიმართ… ქუჩაში რომ გადიხარ ის ღიმილი არ არის… მესმის, რომ ძალიან ბევრი უბედურება გამოიარა ჩვენმა ქვეყანამ და იმის მაგივრად, რომ ერთმანეთს გვერდით დავუდგეთ სოციალურ ქსელში შედიხარ და ხედავ როგორი შუღლი, შეურაცხყოფებაა… იმედი სულ მაქვს, რომ ერთ დღე რაღაც გამოსწორდება… მაინც შეგვიყვარდება ერთმანეთი.
ვერცერთი მთავრობა იმ პრობლემას ვერ გადაჭრის, რასაც საზოგადეობაში ერთმანეთის მიმართ ზიზღი ჰქვია. ეს არ არის მთავრობის ბრალი, იმ სოციალურ ქსელს რომ გავხსნით, თუ შეგვიძლია, ცუდი არაფერი დავუწეროთ და თუ არ შეგვიძლია, არაფერი დავუწეროთ, ან მხოლოდ კარგი დავწეროთ… ქუჩაში რომ გავალთ გავუღიმოთ, ჩავეხუტოთ ერთმანეთს, ჩვენ გასაყოფი არაფერი გვაქვს. პატა-პატარა ნაბიჯებით, იმ ხელის ჩამორთმევით, საუბრით, დისკუსიით, ღიმილით ყველაფერი მოგვარდება,” – ამბობს ზუკა ხუციშვილი “იმედი LIVE” -ის ეთერში.
1,079 სულ ნახვები
კომენტარები
0 კომენტარები
