ვიდრე ჩვენ ახალ წელს ვზეიმობდით, ჩინეთმა თავისი საკუთარი, „ხელოვნური მზე“ ჩართო. HL-2M Tokamak არის ბირთვული სინთეზის უახლესი დანადგარი, რომელსაც შეუძლია, პლაზმა გააცხელოს 200 000 000 გრადუსამდე, რაც მზის ბირთვის ტემპერატურაზე დაახლოებით 10-ჯერ მეტია.
HL-2M Tokamak Reactor არის ჩინეთის ყველაზე დიდი და ყველაზე თანამედროვე მოწყობილობა. მეცნიერები იმედოვნებენ, რომ ამ მოწყობილობას აქვს პოტენციალი, გახდეს სუფთა ენერგიის მძლავრი წყარო.
რეაქტორი მდებარეობს სამხრეთ-დასავლეთ პროვინციაში – სიჩუანში და მისი მშენებლობა დასრულდა 2019 წლის ბოლოს. მოწყობილობას არაფორმალურად „ხელოვნურ მზეს“ უწოდებენ იმის გამო, რომ ის უზარმაზარ სითბოსა და ენერგიას გამოიმუშავებს. ისინი მოწყობილობის გამოყენებას აპირებენ თერმობირთვული ექსპერიმენტული რეაქტორის საერთაშორისო კვლევის პროექტზე და პროექტის დასრულება დაგეგმილია 2025 წელს.
”ბირთვული ენერგიის განვითარება არა მხოლოდ ჩინეთის სტრატეგიული ენერგეტიკული პრობლემების გადაჭრის გზაა, არამედ დიდ გავლენას მოახდენს ენერგეტიკისა და ეროვნული ეკონომიკის მდგრად განვითარებაზე”, – წერს People Daily.
ატომის გახლეჩისგან განსხვავებით, მათი შერწყმისას ავარიების ნაკლები რისკია, თუმცა თერმობირთვული შერწყმის მიღწევა ძალზე ძნელი და ძვირია: რეაქტორის საერთო ღირებულება 22,5 მილიარდ დოლარად არის შეფასებული.
კომენტარები
0 კომენტარები
