თბილისში შარტავას ქუჩაზე ავტოსაგზაო შემთხვევის შედეგად დაშავებული 8 წლის დათი ქოქრაშვილის ჯანმრთელობის შესახებ დედამ ქრისტინე მამუკელაშვილმა ტელეკომპანია „იმედის“ ეთერში ისაუბრა.
ფიზიკური მდგომარეობა ბევრად უკეთესია, ვიდრე, თავიდან შემოვედით. ემოციურად ნელ-ნელა ვეგუებით ამ ჩვენს პრობლემას.
თან ახლა ბებო ჩამოვიდა, შუათანა ძმა და ძალიან გახარებული და ბედნიერია.
ვცდილობთ ძალიან გავამხიარულოთ, დავეხმაროთ. რაღაც მუსიკა მქონდეს ჩართული. პოზიტიურად მივუდგე. ჯერჯერობით, ფსიქოლოგს ვრთავთ, რადგან ბავშვი არ საუბრობს.
ძალიან დიდი ტკივილები აქვს ბავშვს. ვერ უყუჩებენ. სულ ღია ჭრილობებშია. ჯერჯერობით სამი-ოთხი თვე ასე მოგვიწევს ყოფნა, ჯერ ვერ დახურავენ ამ ჭრილობებს.
გამომდინარე იქედან, რომ ძალიან სტკივა ბავშვს, მძიმე მდგომარეობაა. ინფექციები აქვს ახალი. შარდის ბუშტი დაუზიანდა. მორალურადაც და ემოციურადაც ისევ უჭირს.
კომენტარები
0 კომენტარები
