„ნაპოლის“ და საქართველოს ნაკრების თავდამსხმელის გამოსახულებით ქალაქის კედლები მოხატეს. ნეაპოლში „კვარამანია“ გრძელდება, ინფორმაციას გამოცემა „ილ მატინოს“ ადასტურებს.
იტალიური გამოცემის ცნობით, ნეაპოლური კლუბის ქართველი ლეგიონერის გამოსახულება ქალაქის ერთ-ერთი უძველესი უბნის, ესპანური კვარტალის კედლებზე გამოჩნდა.
საქართველოს ნაკრებისა და „ნაპოლის“ ახალგაზრდა თავდამსხმელის გამოსახულება კედელზე „მინიერას“ გუნდმა შეასრულა, რომელიც მრავალი წელია მუშაობს ამ უბნის სოციალური და კულტურული პოპულარიზაციის ღონისძიებებსა და პროექტებზე. ნამუშევარი არგენტინელ მხატვრს, ხუან პაბლო ხიმენესს ეკუთვნის.