არ მუშაობს Youtube, Google Drive და Gmail – რატომ არის შეფერხება Google-ის სერვისებში

კომპანია Google-ის სერვისებში შეფერხებაა. მომხმარებლების თქმით, არ მუშაობს ვიდეოპორტალი Youtube, Google Drive და ელექტრონული ფოსტა Gmail. პრობლემა აქვს კომპანიის სხვა პროდუქტებსაც.

ამასთან, თავად Google-ის საძიებო სისტემა ჩვეულებრივ რეჟიმში მუშაობს. შეფერხების მიზეზი ამ დრომდე უცნობია.

ფორუმებზე წერენ, რომ ზოგიერთმა მომხმარებელმა სერვისზე შესვლა ინკოგნიტო რეჟიმში შეძლო, რაც სავარაუდოდ იმაზე მიუთითებს, რომ ხარვეზი მომხმარებლის ანგარიშზე წვდომისას ფიქსირდება. ანუ პრობლემები იქმნება იმ შემთხვევაში, თუკი ბრაუზერში Google-ის სერვისებში მომხმარებელი დამახსოვრებული Google ანგარიშით შედის.

პორტალ Down Detector-ის მონაცემებით, Google-ის სერვისებში ხარვეზი მთელ მსოფლიოში ფიქსირდება.

კომენტარები

0 კომენტარები