ტელეწამყვანი, მწერალი დათო გორგილაძე სოციალურ ქსელში ჭიათურელი მაღაროელების პროტესტს გამოეხმაურა.
„რა სევდიანია, რომ მაშინ ვახელთ თვალს, როცა სხვა თავისას ამოიკერავს.
რა დასანანია, რომ ხმასაც მაშინ ვიღებთ, როცა სხვა პირს იხშობს.
რა საგანგაშოა, რომ ამ ქვეყანაში ადამიანს თვალ-პირის ამოკერვა უწევს, რათა სახელმწიფომ, ქვეყანამ, ხალხმა (ყველამ და ყველაფერმა, რასაც სამშობლოს უწოდებს) მის გაუსაძლის ყოფას ყურადღება მიაქციოს.
და, ამასობაში, ჩვენ ყველანი შუბლზეძარღგაწყვეტილი, პოპულისტი ადამიანების ბრძოლას ვუყურებთ არარსებული, გამოგონილი მტრის წინააღმდეგ.
ვუყურებთ და ვსეირობთ.
სოლიდარობა, გამძლეობა და მხნეობა ჭიათურელ მაღაროელებს“, – წერს ის.
შეგახსენებთ, 10 დღეზე მეტია, ჭიათურის მაღაროს თანამშრომლები გაფიცულები არიან.
რამდენიმე მაღაროელი პროტესტის უმძაფრეს ფორმას მიმართა.
ერთ-ერთმა მათგანმა თვალები ამოიკერა.
„ეს იყო ჩემი პირადი გადაწყვეტილება. მოშიმშილეებს ვისაც ვუთხარი, ლამის ყველა წინააღმდეგი იყო. მინდა, ამით ყველას დავანახო, რომ ერთმანეთის გვერდით ძლიერები ვართ. მე არ მინდა დავინახო „ჯორჯიან მანგანეზი“, არ მინდა დავინახო ეს ხალხი, სანამ ჩვენი საქმე არ მოგვარდება. როცა მოგვარდება, ერთად დავინახავთ ყველა“, – აღნიშნა პროტესტანმა ვიდეოში, რომელიც „მაღაროელმა“ გაავრცელა.
რამდენიმე დღის წინ კიდევ ერთმა მაღაროელმა პირი ამოიკერა.
მაღაროელები ხელფასების 40%-ით მომატებას ითხოვენ, კომპანია კი ამაზე თანახმა არ არის.