ზაფხულის მოახლოებასთან ერთად ლუდსა და შებოლი თევზზე მოთხოვნა იზრდება. განსაკუთრებით თუკი საფეხბურთო სეზონიც ემთხვევა. მიუხედავად იმისა, რომ მაღაზიებში თევზის მრავალსახეობაა, ფასების გამო ხშირად ქუჩაში უწევთ მათი შეძენა თევზის მოყვარულებს.
ქუჩაში კი ჰიგიენის ნორმები იშვიათად არის დაცული. მტვერი, არასწორი ტემპერატურა და მწერები… ამ სამი ფაქტორის გარდა კიდევ ბევრია, რაც ქმნის საფრთხეს, რომ ქუჩაში შეძენილმა პროდუქტმა, შესაძლოა, ჩვენს ჯანმრთელობას საფრთხე შეუქმნას.
„შებოლილი თევზი მალფუჭებადი პროდუქტია, რომელსაც შენახვის განსაკუთრებული პირობები სჭირდება. აუცილებელია, დაცული იყოს რეალიზაციის პირობები, მაგრამ ბაზრობებსა და განსაკუთრებით ლუდის ქარხნებთან, სამწუხაროდ, უამრავი თევზია გამოფენილი, რომლებსაც გარემოვაჭრეები მომხმარებელს სთავაზობენ.
შეუძლებელია, დაადგინო ვარგისიანობის ვადა და რამდენად უსაფრთხოა ის ჩვენი ჯანმრთელობისთვის. კარგ თევზს ლაყუჩები ღია ვარდისფერი უნდა ჰქონდეს. სამწუხაროდ, ქუჩაში გასაყიდად გამოტანილი თევზების უმრავლესობას ლაყუჩები მუქი ფერის აქვს, ანუ პროდუქტი ძველია.
წყარო: primetime.ge
