მურმან დუმბაძის ინფორმაციით, საგარეჯოში, სადაც თორნიკე რიჟვაძე იმყოფებოდა და ე.წ. ქურდული გარჩევა მიმდინარეობდა, მამუკა მდინარაძეც იმყოფებოდა.
დუმბაძე ამტკიცებს, რომ ინფორმაციას აჭარის ყოფილი ხელმძღვანელის ოჯახის რამდენიმე ახლობელი უდასტურებს.
როგორც მან გადაცემა “რეაქციაში“ განაცხადა, ახვლედიანის სახლში შეკრებილები იყვნენ არა სახელმწიფო თანამდებობის პირები, არამედ ე.წ. კრიმინალური ბანდის წევრები, რომელთა სათავეშიც ბიძინა ივანიშვილი დგას.
“კრიმინალური ბანდა შეიკრიბა. იქ არ ყოფილ ახვლედიანი მხოლოდ და მხოლოდ რიჟვაძე. მე მარწმუნებენ მისი ნათესავები, რომ გარჩევაში მონაწილეობდა მამუკა მდინარაძე. მდინარაძემ ესროლა თუ არ ესროლა, მე არ ვიცი, ვერც ის ნათესავი, ვინც მე ამას მეუბნება, ისიც არ ყოფილა საგარეჯოში. მდინარაძეს რა თანამდებობდა ჰქონდა როცა ეს გარჩევა მიმდინარეობდა ახვლედიანის ოჯახში”,- განაცხადა დუმბაძემ.
ჟურნალისტის კითხვაზე, მან დაზუსტებით იცის თუ არა, რომ საგარეჯოში ნამდვილად იმყოფებოდა მდინარაძე დუმბაძე ამბობს:
რამდენიმე ადამიანი მეუბნება, რომ მდინარაძე იქ იყო, გესმით? უფრო მეტიც, რიჟვაძის მამაც იქ იყო. ასევე, რიჟვაძეს ჰყავს სიძე, დისქმარი, რომელიც იქ იყო. მაშინ ხომ მაღალი სახელმწიფო თანამდებობა ეჭირა მდინარაძეს – როგორ უნდა გაბედო ასეთ ადამიანთან ქურდული გარჩევა ვინმემ. ანუ მე რისი თქმა მინდა – რიჟვაძე არ იყო პოლიტიკური თანამდებობის პირი – ის იყო კრიმინალური ბანდის წევრი და არც მდინარაძე არ იყო თანამდებობის პირი, ისიც იყო კრიმინალური ბანდის წევრი, ამ კრიმინალური ბანდის სათავეში კი არის ბიძინა ივანიშვილი, რომელიც არის ლუბიანკის ფილიალის წარმომადგენელი საქართველოში,- ამბობს დუმბაძე.
ცნობისთვის, პროკურატურის ვერსიით, თორნიკე რიჟვაძემ 7 ივლისს, საგარეჯოში, საზღვაო ტრანსპორტის სააგენტოს ხელმძღვანელის სახლში, თვითმკვლელობა ალექსი ახვლედიანის კუთვნილი ცეცხლსასროლი იარაღით მიიყანა. საქმეზე სისხლის სამართლებრივი დევნა სსკ-ის კოდექსით 115-ე მუხლით არის აღძრული.
ასევე, ცეცხლსასროლი იარაღის დაუდევრად შენახვისთვის საზღვაო ტრანსპორტის სააგენტოს დირექტორი ალექსი ახვლედიანი სსკ-ის 238-ე მუხლით დააკავეს, მოგვიანებით კი 30 000 ლარიანი გირაოს სანაცვლოდ გაათავისუფლეს.