ჟურნალისტი ვახო სანაია სოციალური ქსელით 5 ოპოზიციონერი დეპუტატის მიერ იუსტიციის უმაღლესი საბჭოს „ქართული ოცნების“ წარდგენილი კანდიდატებისთვის ხმის მიცემას გამოეხმაურა.
„ხუთივე ოპოზიციონერს, ვინც ხმა მისცა იუსტიციის უმაღლეს საბჭოში ქოცების კანდიდატებს, ,,აირზენა” თბილის-მოსკოვის პირველ რეისზე უფასო ბილეთებს გადასცემს.
აქცია აქვს ასეთი კომპანიას თვითონ“ , – წერს ის.
შეგახსენებთ, პარლამენტმა იუსტიციის უმაღლესი საბჭოს არამოსამართლე წევრებად ტრისტან ბენაშვილი, გიორგი გზობავა და ზურაბ გურასპაშვილი აირჩია.
კენჭისყრა ფარული იყო და მათ მხარდასაჭერად ხმები ასე დაფიქსირდა: 93-91-93.
5-მა ოპოზიციონერმა მისცა ხმა „ქართული ოცნების“ მიერ წარმოდგენილ კანდიდატებს.
კანდიდატის წევრის არჩევას 90 ხმა სჭირდება, რისთვისაც „ოცნებას“ საკუთარი ხმები არ ჰყოფნიდა.